| Ricciotti Ensemble y Izaline ta na Aruba |
|
|
|
| Thursday, 07 August 2008 - 00:00 | ||||||||||||||||||||||||||
 Un solista pa stima y un repertorio cu un color Caribense y mas o menos 60 presentacion.Ri cciotti Ensembleta riba nan gira Barbulete cu a cuminsa na Hulanda, bai Korsou y a jega Aruba Dialuna 4 Aug y lo keda te diahuebs 8 Aug 2008. E cantante Izaline Callister lo reforsa e grupo. Tur aña e Orkesta Sinfonico aki Ricciotti ta organisa un gira cu no ta keda Hulanda so, pero nan ta sali for di Hulanda pa presentacion. E aña aki a scohe Antiyas y Aruba, e orkesta lo por ser mira y scucha den tur skina di nos isla nan. Click read more pa mas detayes y imagen.
E grupo aki di 41 musico, unico y talentoso su meta ta pa trese nan talento na sitionan caminda normalmente musica no ta jega.
Nan ta presenta den centronan correccional(prison)- hospital , pero tambe den parke – veld di bala etc. Durante di e gira aki, cu a kuminsa na Hulanda, Ricciotti Ensemble lo presenta mas o menos 60 biaha. No tur presentacion lo ta publico, pero si tur presentacion ta GRATIS y ta e intencion pa cada presentacion bira un fiesta pa un y tur. Pa cada presentacion tin un repertorio nobo, Ricciotti ta toca hopi musica clásico, manera di Strawinsky, Mozart y DvoØak, huntu cu esaki tambe tin musica di e.o artista nan Caribense y Antyano e.o di Piazolla, Belafonte, y Blasini, e wals Korsou di Maduro lo no falta y special pa e gira aki a ser aregla un medley pirata. Pa Izaline nan lo toca areglo nan di Toon Hermans, Sergio Mendez y George Gershwin. Pa e presentacion aki e ganador di e premio renombra Edison, Randal Corsen a scibi Abundansha; Derek Bernel a compone Hot Zone y Death By Retail ta di Maarten Ornstein. E director artistico y lider Gijs Kramers ta responsabel pa e musica y coreografia di Oopsala. Un presentacion di Ricciotti cu of sin invitado ta un experiensa.Funda na 1970, y consistiendo di studiantenan di conservatorio di musica ta e ingrediente ideaal”Arte riba kaya” esey ta nan objetivo. E amor pa loke e hobennan aki ta hasi, bo lo mire ariba nan cara, cada bishitante lo keda cautiva pa e elegancia di e orquesta y e repertorio amplio y e calidad di presentacion. Nad’i bistimento y hunta makiyahe, e grupo aki ta hasi tur kos diferente. Den 3 minuut nan ta arma y toca pa mas tiki3 biaha pa dia aunke nan tin un record di 12 presentacion riba un dia. Un danki ta bai na De Palm Tours- Cede Aruba - Café De Plaza – Cas Marie – YMCA – Biblioteca Nacional – Kia – Paaz – Centro di bario Noord, Dakota y Playa pabow – Cas di Cultura-Pizza Hut- Imelda hof – Centro hubenil Washington – Koninklijke Marine, Vloot predikant Sr Dirk Pranger- Sr Henry Baahr- Cuerpo di Douane – Cuerpo Policial y Imigracion - La Cabana Beach & Racquet Club - Sr Don De Veer- De Wit & Van Dorp- EMCO- Aruba Aloe – Editorial Charuba – Aruba Toursim Authority y tur medio di comunicación Danki pa boso tur su eficiencia, coöperación y coördinación total. RICCIOTTI ta na Aruba, y esun cu mira e orkesta aki lo no lubide facil. Pa mas información bo por bai ariba www.ricciotti.nl of www.izalinecalister.com .
Adelina Croes
said:
|
||||||||||||||||||||||||||
 |
Awe e orkesta Ricciotti lo duna nan ultimo presentacion pa publico en general na Aruba. E evento aki lo tuma lo wordo duna den Wilhelmina Park pa 4'or. Ayera nochi nan a duna, huntu cu Izaline Calister na Cafe Plaza, un tremendo show. Musica di bon calidad y un ambiente positivo. Danki na e orkesta y cantante Izaline C. pa nan bunita musica. http://www.ricciotti.nl/index.php?id=58 |
BD
said:
|
Di berdad musica di calidad y ambiente positivo, locual nos mester riba e isla aki.  |
Maxima
said:
|
Di berdad e show ayera tawata hopi bonmes mi a disfruta masha hopi mes di e muziek |
asfs
said:
|
Ki dia mi ta cuminsa skucha arubiano nan bin cu algo asina?? '' esnan cu tin miedo di sobresali nan mes'' |
