| Ricciotti Esemble y Izaline ta jama danki |
|
|
|
| Friday, 08 August 2008 - 00:00 | |||||||||||||
 Un solista pa stima y un repertorio cu un color Caribense y mas o menos 60 presentacion. Ricciotti Ensembleta Ariba nan gira Barbulete kier a jama aruba masha masha danki pa a ricibi nan asina caluroso y a demostra asina tantu atención y cariño. Tur aña e Orkesta Sinfonico aki Ricciotti ta organisa un gira cu no ta keda Hulanda so, pero nan ta sali for di Hulanda pa presentacion. E aña aki a scohe Antiyas y Aruba, cu a kibra nan mesun expectativa. E grupo aki di 41 musico, unico y talentoso su meta ta pa trese nan talento na sitionan caminda normalmente musica no ta jega. Click read more pa mas detayes.
Aki na Aruba nan a presenta na e.o Kia – Cas Marie – centro nan di bario Dakota – Noord- Playa bow – Imelda Hof – Paaz – Bon Bini Festival- Cas di Cultura – YMCA – Palm Pier y Wilhelmina park.
No ta tur presentacion tabata publico, pero si tur presentacion tabata GRATIS y cada un presentacion tabata un fiesta pa tur cu a bai mira y scucha RICCIOTTI. Pa cada presentacion tabatin un repertorio nobo, Ricciotti a toca hopi musica clásico, manera di Strawinsky, Mozart y DvoØak, tambe na a presenta musica di e.o artista nan Caribense y Antyano e.o di Piazolla, Belafonte, y Blasini, e wals Virginia di Emilio Prudencia, Korsou di Maduro, un soca di Hilward Croes, y special pa e gira aki a ser aregla un medley pirata. Pa Izaline nan a toca areglo nan di Toon Hermans, Sergio Mendez y George Gershwin. Pa e presentacion aki e ganador di e premio renombra Edison, Randal Corsen a scibi Abundansha; Derek Bernel a compone Hot Zone y Death By Retail ta di Maarten Ornstein. E director artistico y lider formidabel Gijs Kramers ta responsabel pa e musica y coreografia di Oopsala. Un presentacion di Ricciotti cu of sin invitado ta un experiensa UNICO. Funda na 1970, y consistiendo di studiantenan di conservatorio di musica ta e ingrediente ideaal”Arte riba kaya” esey ta nan objetivo. E amor y e dicplina pa loke e hobennan aki ta hasi, bo por a miré ariba nan cara, cada bishitante a keda cautiva pa e elegancia di e orquesta y e repertorio amplio y e calidad enorme di cada presentacion. Nad’i bistimento y hunta makiyahe, e grupo aki ta hasi tur kos diferente. Den 3 minuut nan ta arma y toca pa mas tiki3 biaha pa dia aunke nan tin un record di 12 presentacion riba un dia, aki na Aruba nan a toca mas o menos 16 biaha den e 4 dia nan cu nan a keda aki Un danki ta bai na De Palm Tours (Sr. Francisco) excelente trabow- Cede Aruba - Café De Plaza – Cas Marie – YMCA – Biblioteca Nacional – Kia – Paaz – Centro di bario Noord, Dakota y Playa pabow – Cas di Cultura- Pizza Hut- Imelda hof – Centro hubenil Washington – Koninklijke Marine, Vloot predikant Sr Dirk Pranger- Sr Henry Baahr- Cuerpo di Douane – Cuerpo Policial y Imigracion - La Cabana Beach & Racquet Club – De Veer & Sons- De Wit & Van Dorp- EMCO- Aruba Aloe – Editorial Charuba – Aruba Toursim Authority – Visser Trading – Sr Chibi V/D Hans y tur medio di comunicación Danki pa boso tur su eficiencia, coöperación y coördinación total. RICCIOTTI tabata na Aruba, y esun cu a mira e orkesta aki lo keda kordele.
PUEBLO DI ARUBA MASHA, MASHA DANKI.
Pa mas información bo por bai ariba www.ricciotti.nl of www.izalinecalister.com
DKT
said:
|
|||||||||||||
 |
Hopi Bon,Bal la pena y un biaha mas Izaline ( e mucha di Seru) a score.Izaline hopi bendicion y suerte den bo carrera artistico.Y Danki di curazon pa e shownnan ey. |
BD
said:
|
Danki na IZALINE y RICCIOTTI pa nan tremendo presentacion!!! Sigur pueblo di Aruba a disfruta di nan. |
asfs
said:
|
mi spera e muchanan cu lo kier un bida artisitico den futuro tuma ehempel di Izaline... cu tempo tur cos ta wordo cumpli  |
r.t.
said:
|
E tabata un tremendo presentacion di e ensemble aki, hunto cu Izaline. Ta ser spera, cu e muchanan lo a hanja un empuhe pa cuminsa sinja un instrumento musical, pa asina manjan nan mes por forma un ensemble y duna presentacion na e pueblo di Aruba. Na e organisadornan y e ensemble, un caluroso pabien. Sigui asina. |
Quarentona
said:
|
Izaline,hopi hopi pabien den bo carerra y cu Dios sigi iluminabo riba e bon caminda y hopi danki pa e presentacionnan.Tambe cu hopi hoben cu lo por sigi bo pasonan.EXITO!!!!!!!!!!!!!!!!!!!!!!!!!!!!!!!!!!!!! |
