| ACB a organiza un Revision di Destinacion |
|
|
|
| Friday, 08 August 2008 - 00:00 | |||||||
 Un grupo di planeador certifica di evento di Merca, tur top ehecutivonan den e mercado di MICE, a bishita Aruba den fin di siman y a wordo malcria na un manera elegante y extravagante door di miembronan di e Aruba Hotel & Tourism Association, AHATA. Nan programa intenso a inclui site inspections, fiestanan di cocktail y eventonan di cena, tur diseña pa introduci e isla y su producto turistico superbamente diverso, den consideracion di futuro negoshi di grupo. Click read more pa mas detayes y imagen.
Den e ultimo añanan Aruba a haci esfuersonan considerable pa atrae Reunionnan, Incentivonan, Convencionnan y Exhibicionnan, den gruponan grandi y chikito, prome via "Meet Aruba," e division di mercadeo di AHATA, y recientemente via su evolucion, e ACB, of Aruba Convention Bureau of North America, un iniciativa uni interesante entre sector publico, e Aruba Tourism Authority y sector priva, e Aruba Hotel & Tourism Association.
"E Aruba Hotel and Tourism Association ta contento di por representa Aruba como e entidad contracta pa e mercado di MICE na Noord America, y contento di por traha pa atrae mas hopi negoshi di grupo na e isla," tabata e comentarionan di AHATA su Presidente y CEO Rob Smith, pa loke ta e acuerdo cu a wordo firma recientemente cu e Aruba Tourism Authority. "Ya caba nos tin 35-plus show den cual nos lo participa, hunto cu e hotelnan miembro di AHATA, y nos ta na caminda pa logra nos metanan programa pa e aña aki. Cu e adisionnan nobo na nos ekipo di Convention Bureau, cu Carol Daughtery como e Director Regional di Benta na Noordoost y Mid-Atlantico y Hal Davis encabesando esfuersonan di benta na e Mid-West, nos ta spera di por fomenta crecemento continuo pa e mercado di MICE door di e promocion di Aruba su hotelnan di clase mundial, facilidadnan di convencion ultra moderno, y actividadnan diverso, como tambe nos coneccionnan aereo conveniente y status di TIEA." "Nos ta hopi excita pa loke ta e futuro," tabata e palabranan di Heather Linton, di ACB, "Bou di e nomber Meet Aruba e industria a asumi cu nos tabata un compania di maneho di destinacion y cu nos servicionan ta costa placa. Awo cu nos a cambia e nomber pa Aruba Convention Bureau of North America, Nos ta haya reconocemento instantaneo. Profesionalnan den e industria sa cu nan por yega serca nos cu nan negoshi, y cu nos no lo cobra nan, ya cu nos ta trahando pa e destinacion, y nos servicio na nan ta gratis." Riba e potretnan por mira e top planeadornan di Merca, conociendo nos isla, riba invitacion di e Aruba Convention Bureau of North America.
|
|||||||
