| Festival Viva Colombia na caminda pa Merca |
|
|
|
| Friday, 08 August 2008 - 00:00 | |||||||
 Si Abo ta un di e personanan cu no a asisti na e Festival Viva Colombia nos tin cu bisa cu b’a perde un di e eventonan cu lo bai keda den recuerdo no unicamente di e colonia colombiano pero di tur e colonianan cu a disfruta di un tremendo celebracion di independencia y cultura. Esunnan cu a yega te na Centro di Bario Playa , a gosa cu e calidad di e artistanan cu a entrega nan mes riba stage. Nos orguyo colombiano e maestro Eduardo Maya, un biaha mas a pone e curasonnan bati cu interpretación di canticanan di nos dushi tera. Su ultimo cantica tabata La Piragua e Publico a lubida cu solo ta kima y a balia non stop. Click read more pa mas detayes y imagen.
Nos orguyo arubiano, Vicente Kelly a cumpli su compromiso di ricibi nos homenaje simple pero sincero. Vicente a yega for di trempan y a keda te na final. Den poco palabra el a impresiona cu su acordeón y su ritmo hunto cu Sensación Vallenata y Wilber Bejarano cu a mustra pakico e ta rey Vallenato.
Lanzamiento di Proyecto Orquesta CaféCafé a impacta cu e vosnan di Vanesa, Carolina, Fercho y Carlos. Stempel di calidad di maestro Eduardo Maya y manera semper contractnan a cuminsa yega y esey pa festival ta un gran logro. Orlando di América ta un caso apart, e publico a pidi’e y una ves riba stage tur hende a cuminsa canta “Nadie es Eterno en el Mundo” y otro canticanan popular di un genero cu tin hopo seguidornan. Jenny Moreno no por a hala rosea después di su presentacion di danza folclorcio cu tawata asina bon cu nan a pidi’e pa ripiti “Mapalé”. Jenny sin problema a complace su fans. Adriana Vásquez y John Tobby e locutor di Impacto Crossover, a pone e sabor rumbero ora nan a balia Salsa “Puro” esun di nos Valle del Cauca. Fundacion Instituto Aristi y su director Wilman Aristizabal y e superdinamico Gaudys a engalana e show di baile cu Cumbia Colombiana, Alma Llanera di Venezuela, Boom(coreografia di Daniela di Popcorn Dancers y Yendy). Nan tur a briya cu un vestuario masha bonita mes y nan ritmo. Chikitinnan Daniel y Duban di Instituto Aristi tambe a cosecha hopi aplauso cu e playback di Jorge Celedón. Rafael Gomez tambe a cautiva tur e presentenan cu su palyback excelente di Luis SIlva Trio Serenata Aruba a toca musica tipico caríbense. Nigel,Johnny y Efraín hopi bon! Tremendo representación di e isla. Papito Rafael, Victor Victor y otro artistanan tambe a bisa SI na e festival. Tempo so a falta pa presenta nan tur. Martiza Segura a gana un di e ticketnan pa Colombia pa su precioso trahe tipico di “CHAPOLERA”, un hende muher trahador di Quindío, zona cafetero di Colombia, cu ta bisti cintanan blanco y saya amplio manera un hardin, cu ta piki e frutonan di café. Un presentacion perfecta di su personahe a ranca un aplauso masha fuerte mes. E aña aki Viva Colombia a otorga 14 mencion na e personanan cu a destaca pa su servicio comunitario, talento of difusión di cultura: Emperatriz Perdomo(fotografia), Wilman Aristizaba(lFundacion Aristi- labor educativo), Vicente Kelly(difusor di folclor vallenato), Jenny Moreno(Danza folclorico), Andres Felipe Patiño(Locutor revelacion La Bulla, latina FM), Angela Velasco(Make-up artist), Jennifer Vargas(Organización Marcha Contra el Secuestro), Hendrick y Yuyo Croes(servicio a la comunidad), Howard Hernández(Prensa escrita Latinos en el Hip, Solo di Pueblo), John Cardona(Programa Original “La Chiva Parrandera” Mega 88FM), Raúl Uribe, Luis Retamoso y Henry Bejarano (Los mejores maestros de ceremonia, mejores voces masculinas y los más polifacéticos en tarimaMega 99 FM y Rmba 91.5FM), Jacky Silva(Precursor di vos femenino di radio Mega 88FM), Hernán Arroyave di “El Cafetal”(Esun mas colaborador), Israel Romero(Binomio di Oro-Mención Internacional). E locutornan a haci un trabao fantastico:, Jacky Silva, Luis Retamoso, Henry Bejarano, John Cardona, Paolita Ordoñez riba stage y John Tobby, Jairo Silva, Howard Hernández, Vanesa Alvarez, Raúl Uribe, El Arabe Amir, Josesito, Junior Tijeras, Andres Felipe y su combo, John Watts, Amparo Angulo den studio y el DOBLE R del Sabor Ricardo Rosales, cu a ponenos sinti dos biaha colombiano cu un selección mundial di musica hunto cu e sonido imbatible di Editech. Esunnan cu sa di radio na Aruba: Edmond Croes, Fito Croes, Alex Ponson, Johnny Habibe, Stanley y Leoncita Arends como tambe e corant Solo di Pueblo, Bondia Aruba, Diario, Show y Mas, Latinos en el Hip hunto cu Telearuba y ATV, danki pa boso ayuda incondicional. E bunita decoración di stage pa 2 aña consecutivo tawata na encargo di Roland Jansen di Design Aruba cu colaboración di Angela Velasco, Freddy Montoya, nan tur miembro di Directie Cultuur y e pinturanan precioso di artistanan di TOYOTA ART GALLERY cu e director Michiku Takatsu a fia di manera amable pa dorna y mustra cuanto talento nos tin na Aruba. Bobby F y Adolfo Valbuena dabki pa e cooperación cu esaki. Tropical Flowershop y Ideas Flowershop bao e direccion di Blanca y Gilbert Wever y e mannan magico di Oscar Cuellar y Tulia Tolosa a duna vida na e sala di entrada cu nos tricolor nacional. Na tur compania cu a sponsor nos evento y na tur e personanan cu a haci di FESTIVAL VIVA COLOMBIA un exito A las compañías patrocinadoras y personas que hicieron del FESTIVAL VIVACOLOMBIA un éxito rotundo, specialmente Denise y Hector di Centro de Bario Playa pa e pasenshi y na tur e publico cu a compaña nos. DANKI PA E INOLVIDABEL CELEBRACION DI INDEPENDENCIA Y PA HACI POSIBEL E DIFUSION DI NOS CULTURA! E proximo aña e comité organisador di e festival y e artistanan selecciona lo biaha pa Atlanta pa representa Aruba den el di Dies Festival Independencia di Colombia y Cultura Hispanica, un invitacion oficial como reconocimiento na nos artistanan residente na Aruba. Riba e combinación di potret por mira e grupo casi completo di Viva Colombia, tambe e potret di Maritza Segura cu su vestuario di Chapolera y Stage bunita decora.
|
|||||||
