| Un anochi di poesia na Biblioteca Nacional |
|
|
|
| Saturday, 09 August 2008 - 00:00 | |||||||||||||||||||||||
 Biblioteca Nacional Aruba tabata tin e placer di organisa un presentacion di buki di poesia di Sra. Frida Winklaar Domacasse titula“ Kurason, kibra, kurason hinte”. Esaki a tuma lugar Diahuebs ultimo. Frida Winklaar ta skirbi storianan cortico, poesia na Papiamento y Hulandes. El a publica diferente obra, entre otro ‘Dans’ na 2007 y e aña aki ‘Kurason, kibra, kurason hinte’ a mira luz. Frida Winklaar Domacasse a nace na Aruba na 1938. Cu 16 aña Frida a bai biba na Hulanda pa studia pa maestra di scol. Frida ta biba na Hulanda ainda y e ta bishita su isla natal casi tur aña. Click read more pa mas detayes y imagen.
Tempo cu e tabata mucha e tabata gusta conta storia. Esei no a cambia. Ainda e ta un contador di storia. E ta presenta tanto pa mucha como adulto. E ta conta storianan intercultural y e ta declama poesia. Tambe e ta skirbi cantica y texto pa teatro. E prome añanan di su carera Frida a skirbi hopi na Hulandes pero e ultimo añanan Papiamento a bini bek cu tur su forsa y el a cuminsa skirbi mas y mas na Papiamento, su lenga materna.
Frida a declama diferente poesia. For di ‘Dans’el a declama: Bolero, Calypso, Wals y Tumba. For di ‘Kurason, kibra, kurason hinte’: Con bo kier bisa, Catibo, Cushina, Cabayito, Otronan tabata: Rumbo pena y foto's vertellen. Nobo: Eagle Beach y Super suave Pa mas informacion di e poeta Arubiano aki por bishita su website www.gedichtentij.nl. Merengue een knipoog van de orkaan als ze tussen de regencoulissen verschijnt zwarte roos tussen haar lippen drakengolven spugen nat vuur dit is haar element ze tolt ze draait niemand houdt haar tegen er valt veel te vergeten tranen stort ze niet meer For di: ‘Dans’, 2008 / Frida Winklaar Maestra di ceremonia tabata Sra. Olga Zaandam-Buckley. Olga ta yiu di Harold Joseph Buckley y Ramona Guilarte y a nace na Aruba na 1950. Olga Buckley ta un poeta conoci na Aruba. Titulo di su publicacion ta: ‘Curashi’. Olga ta escritor di buki di mucha “Bencho ta dual”. Den bida diario Olga ta maestra di scol y como sifuera no ta suficiente e ta coordinadora di e proyecto di lesamento ‘Bon nochi drumi dushi’. E dos poetanan aki a declama di propio obra y nan a declama poesia di otro. Olga a declama entre otro for di ‘Sin wak patras’: Para na canto di mi bida mi a purba capta maske ta un holo di loke tempo a hiba cu ne Cu ternura biento a supla rastronan di mi pasado pega na mi pecho manera un yiu hambra. Mi a wanta mi rosea aden, den un intento pa no permiti nada perturba e union supremo aki. Ora mi a sigui mi caminda mi a contempla mi mannan sin por compronde e bashi profundo, cu nan tabata carga. Olga Buckley. Sin wak patras 2008 E anochi tabata agradabel y bunita cu un ambiente intimo y trankilo. Sra. Carmen Tujeehut a toca diferente pieza riba piano pa acompaña e poesianan di Frida. A sera e anochi cu un brindis chikito.
Omaira Britten
said:
|
|||||||||||||||||||||||
 |
Omaira Britten ta puntra : Ta pakiko aki na Aruba no por uni tur poetanan hunto i invita nan pa atende presentashon di poesia o bukinan na Biblioteca National ? Ta solamente un grupo di maetronan ta wordo invita , ta manera poesia ta un arte pa maestronan di scol so pa presenta nan obra den Bibilioteca National ? Unda tur nos poetanan Arubiano a keda e anochi ey ? Shonnan ban sea franco poesia ta un don di Papa Dios e no ta un estudio cu bo mester gradua pe . Poesia ta un arte e ta parti di formashon di un pueblo , poesia ta literatura si nos kier hiba nos Idioma Papiamento yega otro frontera nos mester cuminsa mira nos erornan den nos propio cas . Un Poeta Arubiana : Omaira I.Rodriguez-Britten |
Asfs...Stima tur hende... sa caba Badness outta Style!!!
said:
|
BON KEDA HASI ASINA... PA ASINA E BIRA MAS GRANDI NA ARUBA..SA CB |
Wancho di cunucu
said:
|
Omaira tin rason, mester uni tur e poetanan hunto, vooral esun nan di sanicolaas.  |
gala
said:
|
omaira bo tin rason ,unda e invitacion di e otro poëta nan ,cu no ta maestra di school a keda ,of un grupito so a wordo invita ,biblioteca foeeeeeiiiiiiiiiiiiiiiiiii |
Asfs...Stima tur hende... sa caba Badness outta Style!!!
said:
|
Omaira... mi ta nabo tur rason!!... ta acaso ta juffrouw nan so ta hende?? tsss |
gala
said:
|
mi ta kere cu toer poëta di aruba , mester bay biba afo , anto bin un biaha pa anja , of den 5 anja ,pa nan wordo presenta y aprecia ,biblioteca bo ta ful fout.duna ehempel ,miho bo no a publica e barbaridad ey |
calista
said:
|
Ami ta dispuesto pa comparti cu otro poetanan ke hubo bib.ki dia ? |
