|
Fiderd Vis ta completa su ultimo training |
|
|
|
|
Tuesday, 12 August 2008 - 00:00 |
 Fiderd Vis a completa su ultimo sesión di entrenamento na Beijing, China, prome cu su competencia dia 12 di augustus. Hunto cu entrenador Alberto “Betto” Thiel, ela demostra cu e ta completamente cla, bon prepara pa enfrenta su contrincante Guo Lei di China den su prome encuentro. Presente na e entrenamento pa duna Fiderd e apoyo total pa su competencia tabata Director di Alto Rendimento, Edmundo Josiah, Presidente di Comision Tecnico, Chu Halabi, Hefe di Mision, Ling Wong, y Secretaria General di COA, Nicole Hoevertsz. Click read more pa mas detayes y imagen.
E “equipo di apoyo” a duna Fiderd e motivación pa duna tur loke cu e tin den e pelea contra e judoka Chines Guo Lei. Un bista riba e biografia di e atleta Chines Guo Lei ta mustra cu e tin 26 aña di edad, tin un haltura di 175 centimeter y ta pisa 81 kilogram. Durante e Campeonato Mundial di 2007 cu a tuma lugar na Brasil, e atleta Guo Lei a termina na di 27 lugar. Durante e mesun campeonato ey, Fiderd a sa di termina na di 21 lugar, pues mas halto cu e atleta di China. Naturalmente e biaha aki Guo Lei ta den su propio país, loke sigur ta un bentaha, pero Fiderd ta sinti su mes bon, fuerte y sigur pa hasi un bon papel pa su país. Desde comienzo di e aña aki Fiderd a entrena intensivamente na Sao Paolo, Brasil, pa asina e por a mehora ainda mas su nivel di preparación pa e compromiso Olimpico.
E competencianan di judo den e categoría 81 kilogram ta tuma lugar diamars 12 di augustus, cuminsando pa 12 or di merdia. Tin un total di 35 competidor den e categoría di peso di Fiderd. Sitio di competencia ta e Beijing Science and Technology University Gymnasium.
Nos ta desea Fiderd Vis tur clase di exito durante e competencia y lo biba cada momento di e competencia cu ne!! E portretnan ta mustra algún momento di e ultimo entrenamento di Fiderd na Beijing.
| Comments () >> |
 |
 |
Fiderd Vis a completa su ultimo sesión di entrenamento na Beijing, China, prome cu su competencia dia 12 di augustus. Hunto cu entrenador Alberto “Betto” Thiel, ela demostra cu e ta completamente cla, bon prepara pa enfrenta su contrincante Guo Lei di China den su prome encuentro. Presente na e entrenamento pa duna Fiderd e apoyo total pa su competencia tabata Director di Alto Rendimento, Edmundo Josiah, Presidente di Comision Tecnico, Chu Halabi, Hefe di Mision, Ling Wong, y Secretaria General di COA, Nicole Hoevertsz. Click read more pa mas detayes y imagen.
