|
Jan Roodzant ta cla pa competi na Beijing |
|
|
|
|
Tuesday, 12 August 2008 - 00:00 |
 E spectacular sitio “National Aquatic Center” na Beijing, mihor conoci como e “Water Cube”, lo ta testigo diamars dia 12 di augustus di e competencia di landamento den cua nos landador Jan Roodzant ta mira acción, esta e 100 meter Freestyle. Tradicionalmente considera e evento mas importante den e deporte di landamento, e 100 meter Freestyle e biaha aki ta conta cu no menos cu 65 competidor. Esnan cu sin duda ta sobresali ta e landador mas rápido di mundo riba e distancia aki, e Frances Alain Bernard, e mericanonan Garrett Weber-Gale y Jason Lezak, Eamon Sullivan di Australia, y Stefan Nystrand di Suecia. Click read more pa mas detayes y imagen.
Tur e landadornan aki ta completa e distancia di 100 meter den 47 seconde! Pa Jan Roodzant e preparacionnan durante e ultimo aña na Gainesville, Florida, a hasi cu físicamente y técnicamente ela sa di mehora su nivel considerablemente. Mas fuerte y cla pa competi, Jan ta presente na e evento deportivo mas grandi na mundo, e Weganan Olimpico. Awor a yega e momento pa e demostra na mundo cu e sacrificio no tabata en vano, pero cu en berdad e por ta satisfecho cu tur loke a logra.
Bou supervisión di entrenador Ismael Santiesteban, Jan a termina su ultimo sesión di entrenamento dialuna den e piscina fenomenal di e “Water Cube”, pa asina sosega pa e gran dia. Tanto Jan como Ismael tabata sinti nan mes contento, satisfecho y sigur cla pa duna tur loke tin den e competencia.
E competencia di Jan Roodzant ta cuminsa pa 18.30 or (ora di Beijing). Tin un total di 9 “heat”, di cua Jan lo mira acción den heat number 2.
Nos ta desea Jan Roodzant tur clase di exito durante e competencia y lo biba cada momento di e competencia cu ne!! E portretnan ta mustra algún momento di e ultimo entrenamento di Jan na Beijing.
| Comments () >> |
 |
 |
E spectacular sitio “National Aquatic Center” na Beijing, mihor conoci como e “Water Cube”, lo ta testigo diamars dia 12 di augustus di e competencia di landamento den cua nos landador Jan Roodzant ta mira acción, esta e 100 meter Freestyle. Tradicionalmente considera e evento mas importante den e deporte di landamento, e 100 meter Freestyle e biaha aki ta conta cu no menos cu 65 competidor. Esnan cu sin duda ta sobresali ta e landador mas rápido di mundo riba e distancia aki, e Frances Alain Bernard, e mericanonan Garrett Weber-Gale y Jason Lezak, Eamon Sullivan di Australia, y Stefan Nystrand di Suecia. Click read more pa mas detayes y imagen.
