|
Ryan Oduber ta sobresali den exterior |
|
|
|
|
Tuesday, 12 August 2008 - 00:00 |
 For di São Paolo, Brasil, a jega na nos e informacion cu un Arubiano ta formando parti di un total di 73 artistanan audiovisual invita cu a bin di Centro America, Mexico, Caribe y Sur America. Ta trata aki di Ryan Oduber cu a wordo selecciona door di e di e curador di arte Elías Levin Rojo. E curador aki tin un titulo di master den technologia educativo, professor of cinema & television di e universidad Autonoma Metropolitana na Xiochimilco y ta un curadora di arte electronico na Mexico. Click read more pa mas detayes y imagen.
Su projectonan semper ta ensera e diversidad social y media. Su research doctoral ta focus riba e uso di media consistiendo di e dishabilidad intelectual.
E encargo pa selecciona e artistanan aki tawata uno pa sobretodo busca, forma un mapa y systematisa e produccion artisticonan. E faceta aki ta importante pa communidad moderno caminda "videoarte" ta e medio mas contemporaneo usa pa artistanan awendia. E parti sociopolitico di e evento aki ta mustra e cara verdadero di Latino America cu tur su diversidad y alaves ta kita su mascara y ta mustra su igualdadnan. Ta pa promer biaha cu Brazil tin e oportunidad pa expone algo den un escala grandi asina caminda dentro di poco e festival lo pasa bai na otro lugarnan geopolitico cultural pa e pueblo local admira.
Den e caso aki e videoarte presenta pa Ryan Oduber tawata un experimento conhuntamente cu artista audio visual Ken Wolff na Amsterdam. Locual a wordo pensa den 2 minuut, filma den 20 minuut a bira algo cu lo representa nos cultura pa añasnan venidero den Latino America. E obra jamá "Happy 2" ta proclama e mensahe cu ni maske cuanto hende bo topa na caminda cu ta pensa lo contrario cu bo, si bo ta kere den bo mes bo tin cu sigi cana bai dilanti.
Pa e video please bai na e webadres aki: "http://videos.sve.tv/Happy 2 ", pa informacion over di e artista bai na su website: "www.ryanoduber.com ".
| Comments () >> |
 |
 |
