| AIB BANK N.V. ta tene nan meeting |
|
|
|
| Tuesday, 12 August 2008 - 00:00 | |||||||||||
 Recientemente gerencia di AIB BANK N.V. a tene un encuentro cu henter su personal, e asina jama “Success sharing meeting”, na Cuba’s Cooking. Meta di e reunion aki tabata pa analisa e segundo kwartaal di aña 2008 cual a resulta masha exitoso pa AIB BANK N.V. Gerencia a menciona cu e resultado preliminar pa e prome seis lunanan di aña a surpasa e expectativanan di e presupuesto 2008 y e aña anterior. A duna gradicimiento na henter e personal di AIB pa nan contribucion y tambe a comparti plannan pa e siguiente kwartaal di e aña aki. Click read more pa mas detayes y imagen.
Tambe a probecha cu tur personal tabata presente pa anuncia promocion di Sr. Gerard de Veer, como “Senior Corporate Account Executive” y Sra. Anaritza Kranwinkel,como Risk Manager.
Gerard de Veer a drenta servicio di AIB BANK N.V. dia 1 di juni 2002 como “Loan Officer”. Sr. De Veer tabatin un carera sumamente exitoso, den “airline administration” y a termina su estudio di “Business Administration” cu exito. Gerard de Veer ta casa cu Sharine de Goede, tambe un hoben profesional y nan tin dos yui Priscilla y Gerard jr. Mester menciona cu Gerard de Veer awor lo tin e responsabilidad di entre otro inicia y forma consorcio di banconan pa financia proyectonan grandi importante pa AIB BANK N.V. na Aruba, Curaçao y St. Maarten, hunto cu Sr. Emil de Cuba, “Executive Manager Corporate Lending”. Anaritza Kranwinkel a drenta servicio di AIB BANK N.V. dia 1 di Juni 2005 como “Internal Auditor”. Sra. Kranwinkel a termina su estudio na HEAO na Rotterdam den “accountancy” cu exito y tabatin un carera sumamente exitoso, na entre otro na KPMG Aruba. Sra. Kranwinkel ta mama di un yui muher cu yama Eva. Anaritza Kranwinkel lo tin e responsabilidad di entre otro percura pa maneha e riesgonan di AIB BANK N.V. y guia un staff di profesionalnan den e departmento di maneho di riesgo. Gerencia y henter e personal di banco ta masha contento di mira con otro yuinan di tera ta desaroya nan mes y ta forma un carera impresionante den AIB Bank N.V., asina sirbi como un estimulo pa otronan. Director di AIB BANK N.V. a expresa su satisfaccion cu e muestra di compromiso di Sr. de Veer y Sra. Kranwinkel y nan dedicacion. “Mi semper a bisa cu e assets di mas balioso di e empresa aki ta su hendenan”, asina el a sigura. Riba e foto adhunto nos por aprecia Sr. Gerard de Veer, Senior Corporate Account Executive, Sr. Herry Koolman, Assistant Managing Director, Sra. Anaritza Kranwinkel, Risk Manager y Sr. Frendsel Giel, Managing Director di AIB Bank N.V.
calista
said:
|
|||||||||||
 |
Boso no por yama e encuentro of reunion aki :Comparti nos exito cu otro" of e no ta zona economicamente inteligente? |
