| Fundacion Muchila Creativo cu Tayer |
|
|
|
| Wednesday, 13 August 2008 - 00:00 | ||||||||||
 Louise Montello ta un terapista di musica y psicoanalista certifica y un cientifico di investigacion na departamento di psicologia di New York University. Ademas Dr.Montello ta fundador y director di e programa “Creative Arts Therapy” na New School University, caminda e ta docente pa 9 aña consecutivo. Tambe e ta un editor asocia na e ‘International Journal of Arts’. Como co-fundador di ‘Musician's Wellness, Inc.’ un organisacion cu ta traha na bienestar di e musico professional, Louise ta duna les riba e poder curativo di musica. Click read more pa mas detayes y imagen.
El a duna tayer na diferente conferencia di Arte, Remedi y Musica na Europa, Asia y Merca.
Na 1992, Louise a presenta su trabou na e ‘American Occupational Health Conference’ na Washington, y na 1993 el a wordo invita pa guia un seminario na e prome ‘US/Japan Arts Medicine Leaders Conference’ na Tokyo. E organisadornan di e di cinco reunion anual di e asociacion internacional ‘Dance Medicine & Science’, a invita Louise na Tel Aviv Israel pa presenta su trabou tocante e relacion entre stress y inmunidad bou musiconan profesional. Despues di a duna diferente tayer na Hamburg y Berlin, Louise Montello a keda bon conoci como terapista di musica den e comunidad Aleman. Montello tambe a duna les na Gotenberg Conservatory na Suisa, Berklee College of Music na Boston, y na Manhattan School of Music. Banda di su trabou, Louise Montello ta un pianista y compositor di musica Jazz, cu actualmente ta biba na New York. E titulo di Louise Montello premia cu un award ta: ”Essential Musical Intelligence: Using Music as Your Path to Healing, Creativity, and Radiant Wholeness”. Den e buki aki Montello ta ilustra e uso di musica como instrumento pa desaroyo. Den luna di Augustus Dr. Louise Montello lo ta na Aruba pa duna diferente tayer. Pa mas informacion por tuma contacto cu e fundacion na This e-mail address is being protected from spam bots, you need JavaScript enabled to view it . Of jama na telefoon 5838921 of 5924343
Asfs...Stima tur hende... sa caba Badness outta Style!!!
said:
|
||||||||||
 |
WOW... mi spera e yuda nos cu e musica aki nan... paso cu 1 strea di exito cu nos tin na musica tin di bay na 5 pa caba!! |
someone
said:
|
Mi ta hanja hopi great cu e senora aki ta bai tey na Aruba. Musica ta un elemento energetico di nivel halto. Spera cu e comunidad Arubano por ta interesa den e manera aki pa desaroya y crese personalmente. E no ta bai pa e musica so, sino locual cu e musica ta lagabo sinti y kiko esey por significa pa cada persona. |
