| Awe ta dia Internacional di Hubentud |
|
|
|
| Tuesday, 12 August 2008 - 12:00 | |||||||||||||||||||||
 Dia 12 di Augustus ta dia Internacional di Hubentud y riba e dia aki Minister drs Marisol Lopez-Tromp ta pidi atencion na educacion tanto na scol como na cas di nos hobennan. Pues educacion ta un di e hermentnan mas importante pa pasa norma y valornan crucial pa un sociedad sano. Den realisacion di esaki henter comunidad mester duna un man. E aña aki a cuminsa cu ehecucion di e plan nacional di enseñansa den cual e mucha y hoben studiante ta bira central den maneho di enseñansa di Gobierno. Click read more pa mas detayes.
Metanan importante pa implementacion di e plan aki ta entre otro mas balor na enseñansa, actividadnan di profesionalismo di maestronan, fiha standardnan nacional pa enseñansa, maneho di idioma nacional, control di calidad y optimalisa educacion pa maestro.
Minister drs. Marisol Lopez-Tromp ta boga pa riba dia di hubentud b’an resolve pa inverti y proteha nos recursonan di mas valioso, y duna hende hoben homber y muher den nos sociedad un parti husto y completo. Nos tin cu cultiva nan promesa y potencial a base di programanan cu realmente ta enfoka riba e hoben y su capacidanan. P’esey Gobierno durante Gabinete Oduber III a duna e hoben un vos por medio di Parlamento Hubenil. Parlamento Hubenil awor ta un fundacion independiente cu tin como obhetivo pa desaroya capacidadnan di liderazgo bao hobennan y den cual organisacion e hoben tin oportunidad di haci trabao na bienestar di e hubentud Arubiano. Ademas e aña aki Minister drs. Marisol Lopez-Tromp den cuadro di salvaguardia e bienestar di e hoben y nos comunidad a habri Aruba su prome Centro Orthopedagogico. Otro proyectonan cu Gobierno a realisa durante 2008 pa saca e potencial di e hoben ta entre otro: “Gang di Arte” y “Discubri bo joyanan scondi” Minister drs. Marisol Lopez-Tromp kier a pone atencion di comunidad na e capacidadnan di nos hobennan. Nos hobennan awe ta capas di contribui na nos sociedad den diferente area y ta destaca den por ehempel deporte, enseñansa, arte, canto y baile. E hoben por publica su propio corant y revista, algun hoben te hasta a yega di habri y maneha nan propio negoshi y otro a asumi e posicion di lider escohi pa nan school of comunidadnan. Pues e hoben tin e capacidad di ta imaginativo, energetico y apasiona cu su mundo y su lugar den e mundo ey. Ta na e comunidad pa duna na e sosten pa desaroya nan capacidad. Por ultimo Minister drs. Marisol Lopez-Tromp ta desea tur hoben un feliz dia.
BJG
said:
|
|||||||||||||||||||||
 |
Cua hubentud ? Esun cu no tin respet mas pa hende grandi ? Esun cu ta cana busca pelea tur caminda ? Esun cu ta cana cu arma di candela? Esun cu no ta respeta POLIS ? Esun cu ta dal nan droga, bebe alcohol y despues hanja boca grandi bira tof?? Esun cu ta bringa den gang? aaaaahnnnn , e hubentud ey....mi tambe ta desea boso un feliz dia..... |
BD
said:
|
Pabien na e hobennan cu kier sigi bai dilanti, educa nan mes y cambia di e mentalidad atrasa y negativo cu ta reinando actualmente. Proyectonan manera "Gang di Arte" y "Descubri bo joyanan scondi" sigur lo contribui den esei! |
Asfs...Stima tur hende... sa caba Badness outta Style!!!
said:
|
hubentud bobo lanta pa mayornan bobo |
xxxx
said:
|
pabien na esnan cu echt kier hasi algo pa bida.... pero pa esnan manera BJG ta bisa kiko mi por bisanan ja toch nan no ta tuma conseho dus................ |
bdk
said:
|
Yen di mucha chiki, of hendenan mayor di edad i cu mentalidad di mucha ta duna comentarionan cu no ta pas of ta al caso riba e web site aki. Por fabor si bo no tin nada di valor pa contribui na e debatenan di dia, no comenta anto !! |
Asfs...Stima tur hende... sa caba Badness outta Style!!!
said:
|
valor ???? of balor mi shon kiermen ??? |
BD
said:
|
Chiki si bo por miho hacie anto, bo comentario tampoco ta relevante pa cu e topico! |
Ayatollah
said:
|
bdk... e site aki ta pa duna bo comentario/opinion... si bo ta " eens ", of bo no ta "eens", esey ta bo problema.. Kiko bo ta insinuando ??? Cu hubentud di ARUBA ta bayendo den un bon direccion ? HALLLLLLOOOOO... Bo ta bibando na ARUBA??? Un gran parti (corda bon; UN GRAN PARTI ) di e hubentud ta perdi caba. Manera xxxx a bisa; ni cuanto bo papia cu nan. nan no ta tuma conseho toch.Spera cu nan ta birando mas grandi,nan cuminsa hanja poko tino, anto nan ta realisa kiko tur malo nan ta hasiendo. |
Asfs...Stima tur hende... sa caba Badness outta Style!!!
said:
|
BDK y unda bo comentario mes a keda ?? si bo ta sinti bo asina perfecto duna un comentario anto noh??? t'abo ta esun cu mentalidad chiki |
