| Actividad Hoben bo Derecho Resone! |
|
|
|
| Wednesday, 13 August 2008 - 00:00 | ||||||||||
 Diasabra ultimo a tuma un acitividad enconeccion cu Dia Internacional di Hubentud. JCI aruba female den cooperacion cu Centro di bario Playa Pabao a organisa un actividad pa hoben. Ta di remarka cu e tawata un actividad di calidad unda no solamente hoben por a participa y alaves diverti nan mes pero tawata tin tambe e parti educativo cual a resalta bao di e hobennan. Programa a cuminsa cu e Himno di Aruba cual a ser canta dor di srta. Debby Werleman pa despues e himno di Centro di Bario Playa Pabao. Click read more pa mas detayes y imagen.
Pa asina parti oficial por a cuminsa, caminda Sra. Glenda Gil y Sr. Pancho Geerman a tene un tayer pa hobennan caminda nan a elabora riba kiko ta concerni e derecho di mucha y tambe derecho humano. E hobennan a ser parti den grupo caminda nan mester a traha den grupo pa asina na final di e tayer nan mester a haci nan presentacion dialnti den e grupo grandi . Un total di 78 hoben a participa activemente . Caminda una vez mas nan a sa di reslata nan talentonan scondi.
Na final di e tayer aki e hobennan a haya certificado como muestra cu nan a participa activamente na e tayer aki. Despues di e tayer tawata tin presentacion di diferente artistanan local manera Sr. Humphry Obispa caminda e la delita algun cantica na nos hobennan. Tambe e grupo di baile Chazz Dancer a sa di haci un bunita presentacion, tambe MINITECA GENIE a sa di anima ful e tayer aki cu nan musica caminda nos hobennan a sa di baila y como clausura a toca e banda di Hubentud YOUTH EXTREME. Nos kier a manda un palabra di elogio pa e comision cu a traha riba e actividad aki Noemi Maduro lider di e proyecto aki , Marlyn Maduro secretaria, Jaclyn Agunbero tesorera , miembronan di JCI Aruba Female kende a coopera durante e proyecto aki y Zulema Farro presidente suplente di JCI Aruba Female na boso tur un palabra di PABIEN boso a haci un bunita trabao!!!
|
||||||||||
