| Un arubiano parti di e lauchteam di Antonov |
|
|
|
| Wednesday, 13 August 2008 - 08:00 | |||||||||||||||||
 Irren Tsu-Silva ta un rubiano bibando na Hulanda. Actualmente ta trahando na European Space Agency na Noordwijk. Na e momentonan e ta na Plesetsk, Russia, preparando e satellite GOCE cu lo ser lansa dia 10 di September for di aki. Cuminsando for di dia 29 juli, su persona hunto cu un launch campaign team ta bay cu Antonov rumbo pa Archangelsk pa hiba e satellite pa su destino final. Su tarea den full e proceso aki ta logistica den tur sentido di palabra. Dia 29 di juli nan a biaha hunto cu e satellite den Antonov for di Amsterdam pa Archangelsk. Click read more pa mas detayes y imagen.
Na Archangelsk nan a tuma un
trein cu a dura mas o menos 10 ora pa bay Plesetsk, Russia. A base di e
necesidad di testing, e team ta cambia cada siman. Esaki tin di haber
cu e cantidad limita di persona cu mag di drenta e launch base, cual ta
Plesetsk Cosmodrome. (Wikipedia), un base militar.
Mester bisa cu tur cos ta bayendo segun schedule. Dia 22 di augustus e militarnan lo cuminsa fuel e upperstage. Riba e schedule nan tin pa dia 26 di augustus entrega e sattelite na e russonan pa nan ' conecta' e spacecraft na e launcher.Esaki sigur ta un experiencia unico pa un persona y muy en especial un arubiano pasa aden. Adhunto por admira algun potret di e yegada di Antonov na Archangelsk y tambe un potret di e prome team. Pa mas informacion por bishita e website www.esa.int pa mas detayes tecnico. Keda pendiente pa mas updates di e rubiana aki cu ta representando Aruba dignamente te na Russia.
redrum187
said:
|
|||||||||||||||||
 |
Hopi bon nos mester mas hende asina pa pone Aruba su nomber den grandi !!! |
Positivo
said:
|
Ba ripara cu pa bo wordo reconoci of aprecia, ta na un otro lugar bo mester ta? Na bo tera mes......net net nada! Jammer pero berdad! Aruba mester cuminsa aprecia y reconoce nos hendenan ariba nos isla! |
Ed
said:
|
Positivo, mi ta full full full di acuerdo cubo!!!!! Tin hopi Arubiano cu hopi talento y cu hopi futuro, pero na Aruba e cosnan ey no por pasa...!!! Pasobra na Aruba tin hopi envidia, tin hopi contra tiempo, ningun hende kier judabo cu nada... y nos Arubiano nos mes ta come otro. Sinembargo... ora bo ta Arubiano pafor di Aruba, ta dilanti so bo ta bai!!!!!!! Aki na Merca mes ta hopi Arubiano tin cu Aruba no tin un idea na unda e Arubiano nan aki ta hinca y kiko nan ta hasi.....Bo tin cu laga bo pais pa bo ta tranquilo y pabo bai dilanti |
Erica
said:
|
Mas senal den e mundao aya fo cu nos di Aruba tambe por ,nos Arubiano nan tambe tin talento ,hopi creativo multilingual y cu ta afor di nan pais so nan por briya paso akinan nan ta wordo comi bibo.Arubianonan lanta for di sonjo ban uni y apoya otro,manjan pa nos mesun manera di ta lo tin full un gobierno latino si nos sigui ariba e rumbo aki.Nos tin di sinja aprecia y duna nos mes hendenan reconocimeto y respet pa lokual nan a logra. |
