|
Eigen bijdrage ta un pleister riba un herida |
|
|
|
|
Wednesday, 13 August 2008 - 11:00 |
 Recientemente partido MPA a tene un rueda di prensa caminda nan a trese cierto puntonan pa dilanti. Un di e puntonan cu nan a pone hopi attencion na dje ta e declaracion di e director di AZV, tocante e situacion cu ta concerni e organo importante aki. Algo hopi importante ta loke sr. Croes di AZV a trese pa dilanti caminda e la splica tocante e posibel solucionan pa drecha e situacion di AZV cu ta e eigen bijdrage. Eigen bijdrage pa AZV no ta un solucion structural. Esaki ta algo cu MPA ya a bisa for di un principio caba. Segun MPA, e eigen bijdrage no ta bai soluciona e problema di AZVe n general, pasobra e ta unicamente un pleister riba e herida. Click read more pa mas detayes.
Y e hecho cu e director di AZV mes ta adimiti esaki ta algo hopi importante den wowo di MPA. E eigen bijdrage ta unicamente un forma pa genera mas placa pa AZV, pero no ta soluciona e bahamento di gasto pa AZV.
E di dos punto hopi importante ta e hecho cu prevencion ta un di e solucionan cu por trese un cambio den e problematica pa loke ta trata AZV. Pero cu esaki ta algo cu lo mira e frutonan den un periodo di 5 pa 10 anja. Remarcabel ta cu te awe nada a wordo hasi di parti di Volksgezondheid pa preveni, pero cu ta mayoria biaha ta e fundacionan mes ta hasi esaki. Mirando e hecho cu e frutonan ta wordo mira despues di un periodo di 5 anja y partido politiconan y eleccion ta pa un periodo di 4 anja, no ta mira e necesidad pa bini cu algo asina.
Partido MPA sinembargo si ta mira e necesidad pa motibo cu ta pone enfasis riba e aspecto a largo plazo, caminda cu ta nos yiunan ta esnan cu ta bin ta bin haya nan mes confronta cu e problema.
Pues MPA ta contento cu AZV mes a declara cu prevencion ta e unico solucion structural pa loke ta trata e problematica di AZV y ta keda awor pa determina con ta bay hasi e prevencion aki.
Na Hulanda mes a stop cu e eigen bijdrage paso nan a pasa den un situacion similar y Raad van Volksgezondheid na Hulanda a vocifera nan opinion den cual nan a bisa cu e eigen bijdrage no tabata un solucion pa hende bira menos biaha malo y cu pa tal motibo nan mester haya e cuido medico cu AZV ta duna.
| Comments () >> |
 |
 |
