|
N.V. ELMAR ta revisa aansluitingsvoorwaarden |
|
|
|
|
Thursday, 14 August 2008 - 00:00 |
 Ta bon pa conoce e disponibilidad di N.V. ELMAR, pa permiti cierto penetracion futuro di energia alternativo, riba nan red. Mirando un prijs di crudo creciente y su consecuencia riba e brandstofclausule, N.V. ELMAR kier duna e cliente espacio pa busca otro opcion. A yama esaki “D.G.”, Designated Generation of Distributed Generation. E ta encera cu un consumidor por usa energia alternativo na cas pa genera su mesun electricidad. Awor cu e idea di usa molina di biento y panel solar ta cada dia mas popular, N.V. ELMAR tin un perspectiva mas habri pa energia alternativo. Click read more pa mas detayes.
Esey ta implica tambe cu mester cambia cierto protocol di e compania di utilidad. Esaki ta escencia di e proximo programa Hunto Nos ta Aruba.
Den e ultimo edicionnan nos a conoce e esfuerdso di W.E.B. Aruba N.V. pa desaroya un parke di molina di biento na Vader Piet, e desaroyonan andando pa esnan interesa den energia di biento residencial y awor N.V. ELMAR cu un optica mas amplio riba permiti e uso di energia alternativo. Tico Koolman Gerente di e Departamento di Ingenieria y Planificacion N.V. ELMAR lo duna un splicacion amplio di e vision nobo aki di e compania pa modernisa su asina yama aansluitingsvoorwaarden. E compania di distribucion di electricidad cu asistencia di e compania di consultant KEMA, lo determina e capacidad maximo pa unidadnan di energia alternativo residencial y kico e por nifica pa e consumo di un cliente. Na momento di permiti penetracion riba e red di N.V. ELMAR mester ta evidente si cu e uso di energia alternativo no por stroba e compania di keda economicamente sano.
For di 2007 un team interno di N.V. ELMAR a cuminsa repasa e aansluitings-voorwaarden y a mira cu ta momento pa bisti’e un batchi nobo. A mira cu tin sentido pa permiti e consumidor instala aparatonan di energia alternativo na cas. Awor ta spera cu pa fin di aña lo por aplica e palabracionnan nobo aki. Hunto nos ta Aruba ta un programa informativo di NV ELMAR y W.E.B. Aruba N.V. cu ta pasa Diarazon awor 13 di augustus na ATV pa 7or di anochi y na Tele Aruba pa 9 or y 10.
| Comments () >> |
 |
 |
