| Programa tocante Summercamp na TV |
|
|
|
| Wednesday, 13 August 2008 - 14:00 | |||||
 Minister drs. Marisol Lopez-Tromp ta invita Pueblo di Aruba pa sintoniza Tele Aruba canal 13 awe Diaranson 13 Augustus 2008 pa 9:20pm pa un programa informativo tocante e summercamp pa hubentud “Bo hoyanan Scondi”. E Summer Camp aki cu tabata completamente gratis a tuma lugar entre 4 y 9 di Augustus y tabata dirigi na hobennan di 11 te cu 18 aña. E summercamp a duna oportunidad pa nos hobennan experencia un siman cu lo yuda nan crece sanamente y habri nan wowonan pa actividadnan sano y tambe haci amistad y intercambia experencia cu otro hobennan. Click read more pa mas detayes
Durante e siman aki nan a haya oportunidad pa desaroya nan mes riba diferente tereno por ehemplo baile, street dance, hip hop, drama, musica (guitara, keyboard, drummer) arte, pintamento, obra di man cu palu, saca potret, traha video, sport, voetbal, volley bal, basket bal y hopi otro weganan.
E proyecto aki tabata un cooperacion entre nos organisacion, Fundacion Desaroyo Educativo Comunitario (F.D.E.C.), Departamento di Cultura Aruba (D.C.A.), Fundacion Mision Cantaro Aruba (F.M.C.A.) y Chabod Acadamy. E grupo di e Chabod Academy a bin Aruba di Merca y nan ta specialisa den traha cu mucha y hobennan pa yuda nan descubri nan talentonan y giua nan ariba e caminda pa sigui desaroya esakinan. Den e programa aki lo presenta entre otro e entusiasmo di hobennan cu ta participa den e summercamp y demas beneficionan di e summercamp. Sintonisa y keda bon informa: Tele Aruba 13 Augustus 2008 Ora: 9:20pm
Adriana
said:
|
|||||
 |
BOOTCAMP mester di intruduci na Aruba pa asina duna e hobenan riba mal caminda poco respet!! |
