| Judoka Fiderd ta cay venci pero a luci bon |
|
|
|
| Thursday, 14 August 2008 - 00:00 | |||||||||||||||||||||||||||||||||||||||
 E sonido tabata fuerte y impactante: na momento cu e dos atletanan a drenta e area di competencia di e Beijing Science and Technology University Gymnasium na Beijing, e publico Chines di 8.000 persona a expresa nan aprecio grandi pa e atleta chines cu un aplauso masha grandi. A pesar di e sorteo desfavorable cu a acopla Fiderd den su prome salida caba contra un judoka cu tabata den su propio “cas”, esta e judoka chines Guo Lei, Fiderd Vis no a laga su mes wordo intimida pa e apoyo masal cu Guo Lei a ricibi y a keda mantene un focus skerpi y sigur. Click read more pa mas detayes y imagen.
E actitud aki, di no tene miedo
di nada y ningún hende, a hasi cu durante mas cu dos minuut, Guo Lei no
por a score ningún punto durante e pelea. Un descuido chikito na mas cu mitar di e pelea a duna Guo Lei un punto di bentaha, cu tabata un Waza-ari. Fiderd a keda demostra confianza den su mes y a sigui cu un defensa contra cada un di e atakenan di su contrincante. Un oportunidad cu a presenta pa e atleta Chines a wordo usa efectivamente tambe y a produci un Ippon, terminando e pelea abruptamente.
Aunque cu e resultado final en berdad ta mustra un victoria pa e judoka chines, esaki no ta refleha completamente e actuación solido di Fiderd Vis. Después di a competi pa varios aña pa Aruba den campeonatonan regional y mundial, a toca Fiderd e honor di por a ricibi un invitación special di Comité Olimpico Internacional pa forma parti di e Weganan Olimpico di Beijing. Un honor cu Fiderd sigur a acepta. Pa por a sigura cu Fiderd por a conta cu un preparación mas optimal posible, Comité Olimpico Arubano a acerca su coleganan di Brasil cu un biaha mas a duna tur cooperación pa yuda Fiderd den su preparacionnan. Pa algún luna Fiderd a entrena na Sao Paolo, pa asina e por a conta cu mas entrenamento y sigur mas posibilidad competitivo. E extra esfuerzo y sacrificio aki den exterior sigur a aporta na e resultadonan favorable y nivel mas halto di Fiderd den su actuación Olimpico. Entrenador Alberto “Betto” Thiel tabata contento y a analisa e actuación di Fiderd como positivo. “Fiderd a bringa un bon pelea. Lastimamente su contrincante a sa di score un punto importante riba dje. Asina mes mi ta contento di a mira Fiderd den acción”, Betto a splica. Psicologo Edmundo Josiah a asisti Fiderd den su preparación mental y a enfatiza e presión cu Fiderd a logra domina durante e pelea, loke sigur no tabata facil. Presidente di Comision Tecnico, Chu Halabi, a agrega cu e entrenamento den exterior di Fiderd sigur a yuda hasi di Fiderd un atleta mucho mas completo. COA ta sumamente contento cu e actuación di Fiderd Vis y ta comparti algún momento durante e competencia na Beijing.
judoka
said:
|
|||||||||||||||||||||||||||||||||||||||
 |
Mi ta contento cu fiderd, cu ta un di e judokanan na nos pais mi ta adminira a bai representa aruba. Fiderd no give up, you've got it in you!! nos muchanan arubiano mester cuminsa cu deporte of algo positivo enbes di sinta na skina, huma anto bebe. anto fiderd ta un bon ejemplo! ARUBA BAN LANTA PARA, NOS HASI ALGO PA NOS NOMBER BRILLA MAS, PASOBRA NOS ARUBIANAN TIN SKILLS, NOS DJIS MESTER DI MAS DURF!1 |
Mariposa1
said:
|
Pabien Fider DANKI pa representa Aruba, nos ta orguyoso di bo!!  |
James
said:
|
Hopi Geat Fiderd, contento di tende cu ba Logra Wanta y controla e chines pa mas cu 2 minuut asina. No wry, next time bo lo gane paso 1 dia e tambe tin cu perde. Sigui asina, mi ta waak mi bin train na Tanki Leendert bek de vez en cuando ora mi haya chens. |
Bodmod
said:
|
Ok hendenan......E NO A GANA..DUS LANTA FOI SONJO. DUHHHHHHH...ECHT ARUBA!! |
Asfs...Stima tur hende... sa caba Badness outta Style!!!
said:
|
m'a gosa esey/// NOS MESTER TIN MAS DURF !! |
bad
said:
|
semper tin next time........btw pa Asfs,.....dicon bo ta copy Badness outta Style di canal 22 ???????hahhahaha |
what goes around...
said:
|
Pabien Fiderd !! Bo a logra di sera e snuit di 8000 Chinees nan pa 2 minuut largo ! einan b'a planta respet caba pa Aruba. Sigi bai den bon direction ejemplar pa e hubentud y otro deportistanan di Aruba por sina di bo lucha pa mustra henter e mundo cu nos tambe ta conta ! |
Asfs...Stima tur hende... sa caba Badness outta Style!!!
said:
|
BAD... paso esey t'e lema pa tur isla caribense |
Milie
said:
|
E unico cos cu mi no a gusta ta cu ora bo bai NBC olympics su website Fiderd a sali bow Hulanda, no Aruba! Si bo click riba pais Aruba no tin niun athleta displayed... |
Asfs...Stima tur hende... sa caba Badness outta Style!!!
said:
|
bodmond.. abo sigur bo no lo purba mes paso abo lo no tin nada aden |
Cheribaby
said:
|
@ bodmond: at least e a train duro pe e la jega eynan i por ta entre e miles di atletanan, i abo kiko bo a logra?? a big NADA, so shut up!! |
Asfs...Stima tur hende... sa caba Badness outta Style!!!
said:
|
Aruba tin yen hende yalurs riba otro... biba laga otro biba shonnan |
