| Kids Camp ta tour Aruba y adopta un burico |
|
|
|
| Thursday, 14 August 2008 - 00:00 | |||||||
 E yiunan di empleadonan di Playa Linda Beach Resort recientemente a gosa di un programa di un siman largo yena di aventura durante e resort su “Kid’s Camp” di tur anja. E aña aki a proba di ta specialmente excitante cu actividadnan cu a inclui tripnan rond di nos isla, deporte, actividad educacional y hasta un gesto di bon boluntad adoptando un burico. E burico chuculati bruin scur yama cariñosamente “Negrita” a gana e afecto di mas cu un dozijn di mucha, di edadnan cu ta varia for di 6 te cu 13 aña, kendenan a participa den Playa Linda su Summer Kid’s Camp. Click read more pa mas detayes y imagen.
Durante e siman aki e Santuario di Burico na Santa Lucia a ser bishita unda cu a dicidi pa adopta un burico y bira e mayornan adoptivo primintiendo asina sosten financiero pa cuminda, cuido y hogar pa e burico pa un aña. Ademas di a adopta Negrita, muchanan di Playa Linda a gosa alimentando, cariciando y hungando cu tur e mas di 40 burico rescata na e Santuario di Burico.
Otro dianan a trece mas aventura cu un actividad faborito cu tawata un les di windsurfing. E muchanan di Playa Linda tambe a demostra nan talento durante un les di Zumba special pa mucha y durante un wega di bowling. E muchanan a haya e oportunidad pa siña mas tocante di Aruba durante tripnan, riba Glass Bottom Boat, den Parke Nacional Arikok, na De Palm Island y durante un recorido na e facilidad di reciclahe di Ecotech. E siman a termina cu un bishita bek na e resort y na e diferente departamento nan na undanan mayornan ta traha, tambe nan por a goza diun slide show di tur e actividadnan cu a tuma lugar durante e Kid’s Camp y duna nan ideanan pa e Kids Camp di otro anja 2009. Na final e muchanan a ricibi un regalo di un “Back to School kit” pa asina prepara nan pa nan anja escolar nobo. Henter e comision di actividad di Playa Linda, incluso Michelle, Mayra,Yvette, Mignon, Milda, Roosje, Nigaima, Toya, Johnny y Pedro, a sobrepasa tur expectativa, preparando un excelente variedad di actividad nan y guia durante e siman di Kid’s Camp. Miembronan di e commision kier a gradici Hubert di Discovery Glass Bottom Boat, Ricky di Toyota Rent A Car, Desiree di Donkey Sanctuary, Enry y Darwin di Vela Windsurf, Michael di Ecotech y e Park Ranger di Parke Arikok como tambe tur e personanan cu a contribui pa haci e siman di Kid’s Camp uno hopi especial pa e yiunan di e empleadonan di Playa Linda.
|
|||||||
