| Fabuloso Hurricane Season Sales Event |
|
|
|
| Thursday, 14 August 2008 - 00:00 | |||||||
 Esnan cu a pasa den e ultimo dianan aki dilanti e showroom di R.E. Yrausquin & Sons tabata puntra nan mes dicon tin dos auto gebolter eydilanti. Ora nan a mira e anuncio grandi riba e edificio nan a compronde tur cos.....ta un horcan di categoria 5.95 a pasa eyden. Esaki ta e forma creativo pa e agencia di auto marca Ford promove su campaña di e luna aki cu ta hiba como tema “Hurricane Season Sales Event”. En coneccion cu e campaña di Caribbean Mercantile Bank, e agencia di autonan marca Ford ta ofreciendo interesnan reduci te na 5.95%. Click read more pa mas detayes y imagen.
Un pakete pa service Bo auto pa 3 aña largo, te cu 4 mil florin di descuento riba modelonan Ford di aña 2008, extra descuento pa modelonan di aña 2007, sin lubida nan 5 añanan di garantia y comosifuera poco, nan ta rifando un trip pa 4 persona pa Disney World. “Esaki nos ta yama un berdadero campaña pa bende auto”, asina Nathalie Lacle-Yrausquin a duna di conoce.
“Nos ta conciente cu nos clientenan tabata sperando riba nos campaña, ta pesey nos a percura pa lanza un campaña al estilo di un horcan” el a termina bisando. Riba e fotonan adhunto por aprecia e dos rumannan Cristina Yrausquin y Nathalie Lacle-Yrausquin durante anuncio di nan campaña “Hurricane Season Sales Event”.
|
|||||||
