| Departamento di Labor cu projecto nobo |
|
|
|
| Friday, 15 August 2008 - 00:00 | |||||||
 Manera ta conoci, un di e objetivonan di Departamento di Labor y Investigacion ta pa trece ekilibrio den e mercado laboral. Pa loke ta trata e objetivo aki Departamento di Labor y Investigacion a cuminsa cu un investigacion pa asina inventarisa e posibilidad pa aumenta e oferta di e mercado laboral door di promove e participacion di cierto gruponan di enfoke den e proceso laboral. Click read more pa mas detayes.
Departamento di Labor y Investigacion den su plan di maneho a pone direccion na un maneho sostenibel, efectivo y integral cu tin tres meta: 1. Promove un balansa y un structura diverso den e mercado laboral; 2. Mehora e condicionnan di trabou; 3. Pa upgrade na un demanda specifico y un miho afiliacion entre enseñansa y e mercado laboral. Un manera pa logra esaki ta pa promove e forza laboral door di e participacion laboral di desempleadonan- y esnan economicamente inactivo. Departamento di Labor y Investigacion kier haña un bista di nos populacion local cu ta economicamente inactivo of esnan activo buscando trabou sea fulltime como tambe parttime. For di analysis hasi Departamento di Labor y Investigacion ta deduci cu e grupo di enfoce aki ta consisti mas di hobennan y hende muhe. Pa logra e meta aki, Departamento di Labor y Investigacion a lanza un projecto cu ta encera registracion di tur esnan desemplea of economicamente inactivo. Tambe lo forma parti di e projecto su totalidad, tur esnan cu den e ultimo anja aki a inscribi na Jobcenter na Departamento di Labor y Investigacion. For di luna di Juli Departamento di Labor y Investigacion ta asercando telefonicamente tur esnan cu a yega di inscribi nan mes como buscadornan di trabao na Departamento di Labor y Investigacion pa asina deduci nan interes den haña un trabao sea fulltime of parttime of esnan cu no por traha pa un of otro motibo. Departamento di Labor y Investigacion tambe ta asercando diferente dunadornan di trabao pa medio di un encuesta pa asina nan por duna un bista di nan nesecidad pa parttimers den nan compania. Door di registra, tur esnan cu sea ta buscando trabou of no, Departamento di Labor y Investigacion por stipula maneho pa na e manera aki yuda e dunador di trabou y e buscador di trabou cu un trabou desea. Cu e informacion aki Departamento di Labor y Investigacion tambe lo defini un porcentahe di desempleo pa Aruba. Tambe for di e campaña aki Departamento di Labor y Investigacion kier deduci e grupo cu ta interesa pa traha parttime y haña un bista ariba nan caracteristicanan. E campaña ya menciona ta encera pa pidi tur esnan cu sea ta desemplea, disponibel pa un trabou, cu si of no ta buscando trabou y no mester di permiso pa traha pa registra nan mes. Banda di e grupo aki ta importante pa esnan cu no ta disponibel pa cualkier motibo pa tambe registra. Pa logra esaki Departamento di Labor y Investigacion lo ta di 25 pa 29 di augustus 2008 den diferente instancianan akibou menciona den tur barionan na Aruba. E ta importante pa tur hende cu ta forma parti di e grupo menciona bin registra nan mes. Na cada lugar lo tin empleadonan di Departamento di Labor y Investigacion presente cu lo yuda cu e registracion di e personanan menciona. E orarionan lo ta di 8o’r di mainta te cu 4:30 di atardi y na Departamento di Labor y Investigacion e orario lo ta di 8’or di mainta pa 7:30 di anochi. Si un persona no por pasa, tambe tin posibilidad di yama e number general di DAO esta 5837720 of e number special pa e campaña aki direct cu ta 5881673. Tambe por download e formulario for di e website di gobierno, esta www.gobierno.aw of www.overheid.aw . Por yena esaki y mand’e via This e-mail address is being protected from spam bots, you need JavaScript enabled to view it sino entreg’e na nos oficina principal of na un di e lugarnan di registracion durante e siman aki. Habri porta pa bo futuro, pasa registra y PARTICIPA! 
eem
said:
|
|||||||
 |
hopi bon idea, great. Ta bon pa emplea tur hendenan cu ta na cas pa un of otro motibo. |
Hot Mama
said:
|
Mi ta spera tin hende pa yena tur e datos den computer. Sino mester buska refeurzo di afo, anto depues ta resulta cu no tin plaka pa paga nan!!!!! KIKO ta pasa? Hmmmm project ta bin cla asina? |
