| Concierto di Steelband na Ling and Sons |
|
|
|
| Friday, 15 August 2008 - 00:00 | |||||||||||||||||
 Diasabra 9 augustus 2008 tabata un anochi inolvidabel pa tur e tocadornan di e cinco steelbandsnan y tur hende cu tabata presente e anochi aki ariba parkinglot di Ling & Sons. Di 11or di mainta e team professional di ELITE a llega e parkinglot pa set up e stage y cuminza cu e instalacion di e ekipo di sonido. Den un solo cayente e team aki a traha un stage cu despues a resulta di ta un stage na bon haltura y cu luznan tremendo. Di 3or di atardi musica tabata zona rond di nos supermercado, treciendo hopi mas cliente Ling & Sons pa puntra ki actividad lo tin. Click read more pa mas detayes y imagen.
TEC y Aruba Trading a zorg pa e bebidanan y Carmen Snack a zorg pa e snacks di cual tur a wordu bendi na final di e anochi.
Fundacion “Mi Cutisa” como organisacion caricativo cu a colabora cu Ling & Sons tambe tabata tin un stand cu cosnan dushi y pandushi na un bon prijs. Tambe tabata tin dos stands chikito bendiendo artesania y cosnan di Aruba. Pa 9 or di anochi tur e 200 stoelnan tabata completamente bezet y pa 9:15 di anochi e concierto a start cu Maestro di Ceremonia Baba Charlie y coordinador di e evento Juby Naar. E anochi mes a cuminza impresionante….Cinco mucha chikito di New Generation Steel bai direccion di sr Eric Figaroa habriendo e concierto tras nan steel. E sonido y luz tabata tremendo durante di e concierto caminda tur e audiencia por a sinta y scucha e diferente sorto di musica cu a wordu toca. Despues a sigi e jovennan di New Generation Steel cu a toca algun canticanan y asina a cuminza trece ambiente e anochi aki. Lo que a resalta hopi e anochi aki cu tur e steelbandsnan a prepara nan mes bon pa duna tur hende presente un bunita presentacion di diferente ritmo y canticanan. Hopi variacion di musica mas, incluso nos wals y tumba por a goza cu presentacion di Tradition Steel te cu dado momento algun hende a lanta para aplaudi mey mey di e cancionnan. E Steelband cu a steal the show tabata North Stars principalmente despues di e solo mahestuoso cu Jo a duna riba su steelpan y toca e pan hasta gebolter. Steel and String a haci su debut den e conciertonan di steelband y nan tambe a logra hopi aplauso y a deleita e publico. Na final, Bito and the Boys a cera e programa cu un potpourri mexicano y e toca formidable di Robby Philips cu e potpourri di Calypso. Masha elogio Ling & Sons a ricibi e anochi aki di esnan presente y diadomingo durante dia pa e concierto di nivel hopi halto. Masha peticion tabata tin tambe pa sigui tene mas di e conciertonan aki.!!!!!!!! BAN WAAK…… Un danki grandi ta bai pa e team professional di ELITE pa e tremendo sonido y musica !!! Boso tabata tremendo !!! Tambe pa TEC, Aruba Trading, Digicel, Fundacion Mi Cutisa y pa no lubida nos MC Baba Charlie cu tabata tremendo ariba stage. Pa finaliza sr. Juby Naar……bo ideanan y coordinacion tabata tremendo. Un danki di curazon !!! 
Asfs...Stima tur hende... sa caba Badness outta Style!!!
said:
|
|||||||||||||||||
 |
Ami tin un bon Idea pa Engrandese steelband na Aruba... GRABA e cancion nan cu boso ta tokando, anto pase na Hotel, pa Radio nan trankil etc etc Mi spera cu un hende cu por ta tuma parti di algo pa Steelband por tuma mi conseho hehe... |
Teishi
said:
|
Un concierto di hopi bon calidad. Pa e proximo mi ta recomenda mas stoel pa hende por sinta. Mi a keda contento di mira asina hopi di nos hendenan a bin aprecia e concierto. Sigui asina! |
Poets TV
said:
|
Poets TV a realiza grabacion di e tremendo anochi di Steelband aki y ora Poets TV bai presenta e concierto aki na Tele Aruba muy pronto, por bai aprecia e talento increible cu nos artistanan ta domina e steelpan. E grabacion a sali zuiver, danki na e tremendo trabao di ELITE y sin duda algun e formidable presentacion di nos gruponan di steelband. Kere mi, ora Poets TV presenta e concierto aki, e proximo concierto di Steelband lo bai ta mucho mas bis**ta, pasobra di berdad, nos gruponan di steelband merece nan valor. |
MOM
said:
|
PLEASE HASI MAS PROPAGANDA ORA DI EVENEMENTO ASINA,PASO AMI MES NO TAWATA SA MES HASI MAS PROPAGANDA ORA TA ALGO DI NOS CULTURA ESEY TA MI SUPLICA DANKI. |
INTF
said:
|
Un anochi pa sigur ripiti....E anochi aki mi a ripara con hopi talento tin na nos dushi isla di Aruba. Keda pendiente ........Ling & Sons regalando e pueblo di Aruba eventonan c*ltural! E idea a naci hopi chikito y al final e tabata grandioso! |
justice
said:
|
Hooooooopi danki na Ling & Sons y na tuuuuuuur su coloboradornan pa e BUNITA anochi aki. Mi ta spera cu amantenan di musica di steelband por haja mas oportunidad pa di disfruta di e musica aki. Mi tin cu cita comentarionan di turistanan venezolano cu ta tawata presente: "Esto es increible. Magnifico. Y referiendo na e actuacion di Robby Philips: A estas alturas, este senjor ya tenia que estar internacionamente reconocido. |
Asfs...Stima tur hende... sa c
said:
|
poets tv/// boso a graba nan pa toka riba radio tambe??????????? |
