| Introduccion di schedule ta keda vigente |
|
|
|
| Friday, 15 August 2008 - 00:00 | ||||||||||||||||||||||
 Abogado mr. Duijneveld representante di e trahadornan di Immigracion a duna na conoce na Hues cu nan ta acepta e proposicion di Hues y cu nan ta hala e caso aden. E hefe di Immigracion sr. Fingal y tambe e hefe di P&O drs. Lares a splica den Corte cu e schedule nobo cu kier introduci den ningun forma ta perhudica e trahadornan di Immigracion y cu maximo 2 biaha pa luna un persona lo mester traha e schedule nobo cu ta encera e horario di 11'or di mainta pa 7'or di anochi. Click read more pa mas detayes y imagen.
Na un principio abogado mr.
Duijneveld den representacion di e trahadornan di Immigracion a pone
enfasis riba e hecho cu a traha e schedule nobo sin a consulta esaki cu
SEPPA. Despues e mesun mr. Duijneveld aki a bin cambia di opinion y a
acepta e forma con e schedule a wordo traha.
Hues despues di scucha ambos partido a formula un acuerda cu a wordo presenta y caminda cu esaki a wordo acepta pa tur dos partido. Mr. Marsman kende a representa Gobierna a splica Hues cu e motibo pakiko a traha e schedule nobo aki ta pa elimina e rijnan largo di pasahero na Immigracion. Muy en especial durante e horanan piek. Abogado Duijeneveld a pidi Hues pa pospone e decision di Gobierno pa loke ta trata e schedule nobo aki pa entrante 1 di september 2008 y cu esaki lo wordo poni den practica na momento cu wordo dicidi den Corte riba nan demanda. Abogado mr. Marsman trese bon cla pa dilanti cu e schedule nobo lo no perhudica e trahadornan cu ademas esaki ta mara na un tempo di prueba di 2 luna. Despues di e periodo aki lo dicidi a base di un evaluacion. Mas ainda drs. Lares y sr. Fingal a laga sa cu si tin un trahado malo, lo busca un otro persona pa asina traha y e persona cu labora lo ricibi su pago di overtime. Ademas nan a splica lo no presenta e situacion caminda un trahado cu ta laborando un shift lo mester bay traha un otro shift. Hues a conclui cu e schedule nobo no ta algo cu lo perhudica e trahadornan y ambos abogado a acepta e e acuerdo di Hues. Pa tal motibo abogado Duijneveld a hala e caso aki aden. Pues e introduccion di e schedule nobo di parti di Gobierno ta keda vigente.
cosnanstranjo
said:
|
||||||||||||||||||||||
 |
Ami no por caba di compronde ki credibilidad un abogado cu a caba di pasa den un detencion y encarcelacion pa un crimen hopi serio lo por tin dilanti un Juez y Corte?? Duineveld a bira e "machine magico" pa tur hende cu kier bai guerra contra gobierno mientras cu ainda e tin un caso riba su consenshi cu mester bin dilanti. Nos a perde nocion di respet pa nos Corte di Justicia y Jueznan??? Increibel pero berdad...falta pa majan e aparece riba lista politico tambe. |
jobalboni
said:
|
Well well ken abo to ta pa bisa un cos asina ela tuma e mesun un postura cu bo gobierno actual. |
bdk
said:
|
Ta poco abogado sa razona manera sr. Duijneveld a hac dilanti corte !! Esei ta un abogado !! |
Presidente
said:
|
Hij is ook niet zomaar iemand. |
One World, One Dream
said:
|
@ cosnanstranjo : Respet abo no tin pa su trabao cu eta hasiendo y pa bo mustra dede asina riba hende. Tin hopi ta cana rond, ganja bo, horta bo den bo cara. y ta Dios ta esun cu lo husga y no abo cu kisas bo consenshi mes ta jen jen . Mi no conoce e abogado ey pero ta su trabao eta hasi unda cu tin inhustitia pa busca derecho di otronan. Cada ken cu nan consenshi. |
Dal duro
said:
|
Cada ken por expresa nan opinion y sigur mi tambe ta cuestiona e abogado cu a comete actonan contra ley den caso di un faillesement y tin hende inocente trahador a sali perhudica. Esey ta e berrdad y punto. |
cosnanstranjo
said:
|
Wel mensen, mi opinion tambe ta conta, either U like it or not. Si e no ta meti den nada anto nan no lo a detene por nada. Ban serio y stop di tuma boso mes hasi. E ta super bon te di mas, paso hasta un curator e la sa di maniobra. Tuff Lawyer swaa.. |
Ganja Pakico??
said:
|
Aparentemente den e investigacion di e caso Domino, pa cual ayera tabatin veredictonan cu a cay tambe, a bin sali na cla cu Luis Mansur a envolve su abogado mr. Edwin Duineveld den su parti financiero. A base di esey a cuminsa otro investigacion, pa cual a detene e abogado.....Esaki a keda publica riba un pagina di un website produci aki na Aruba. |
