| Aruba Beach Club ta honra huespednan |
|
|
|
| Saturday, 16 August 2008 - 00:00 | |||||||
 Recientemente, Señores Dolores & Marvin lessner a wordo honra como huesped distingui, tur procedente di Merca. E pareha aki tin mas cu 17 aña consecutivo ta bishitando Aruba. Tambe na e oportunidad aki a wordo honra Señores Joseph & Maria Davi como tambe Enrique & Maritza Mendoza procedente di Venezuela como Embahador di bon boluntad pa e isla di Aruba y kende na tin mas cu 20 aña consecutivo bihitando Aruba. E acto di entrega a tuma lugar na Aruba Beach Club, e hotel unda nan ta hospedando. E pareha nan aki a bishita varios destinacionan rond di mundo y semper a considera Aruba como e number un. Click read more pa mas detayes y imagen.
Tambe nan a comenta cu Aruba ta nan di dos cas y un di e motibonan pa cual nan ta bin bek tur aña ta pa nos hendenan amabel, hospitalario y tambe pa e seguridad cu ta reina na e pida baranca aki. Nan a trese diferente famia y amistades den transcurso di añanan pa asina nan tambe por sera conoci cu e paraiso Aruba. Presente tawata representante nan di Aruba Beach Club y Rayon Koolman, respresentante di Direcion di Turismo.
|
|||||||
