|
RED risibi pa gobierno di Quintana Roo |
|
|
|
|
Tuesday, 19 August 2008 - 00:00 |
 Lider di fraccion di RED, parlamentario Lampe, a tene diferente reunion cu representantenan di e Gobierno di Estado di Quintana Roo, Mexico. E mas importante tabata cu Rosario Ortiz Yeladagui na e Palacio di Gobierno di Chetumal, capital di e Estado. Ta trata di e coordinadora politico di e Gabinete, comparabel cu e funcion di prome minister den e sistema cu conoce eleccion pa e poder ehecutivo. E hefe di Gobierno ta e Gobernador di Estado. Click read more pa mas detayes y imagen.
Den nomber di e Gobierno di
Estado di Quintana Roo a keda expresa palabranan di gratitud pa e
trabao cu mi persona a realiza den pasado na Universidad di Quintana
Roo. A hasi referencia na e bon nomber academico cu mi a laga atrás y na e hecho cu mi tabata formador di diferente generacion di estudiantenan cu awe ta ocupa posicionnan clave den sociedad.
E portret ta mustra mi persona cu Rosario Ortiz Yeladagui na e Palacio di Gobierno, den background ta mira e portret di e Gobernador di Estado di Quintana Roo. E portret ta papia pa su mes. E ta desenmascara tur e campaña di difamación contra mi persona dor di mi contrincantenan politico. Pa cuanto tempo caba nan ta difama cu supuestamente lo mi tabata vincula cu e guerilla na Mexico, cu lo mi a keda expulsa di Mexico y cantidad di rumornan falso cu partidonan MEP y AVP ta plama rond. Awe tur hende por mira tur esei ta mentiranan contra mi persona. Cu brazanan habri e Gobierno di Estado di Quintana Roo a risibi mi persona y a expresa aprecio pa e trabao cu mi persona a realiza den pasado na beneficio di e Estado di Quintana Roo.
Otro reunion cu a keda realisa tabata cu e Staatssecretaris di Turismo na e oficina di e ministerio di Turismo di Quintana Roo, conosi tambe como e Caribe mexicano. E Caribe Mexicano ta lider den turismo pa loke ta e region di Caribe, e ta risibi mas di 10 miyon di turista pa aña, e lugar mas famoso ta Cancún. Mirando cu Aruba su industria principal ta turismo, ta importante pa establece relacionan di cooperación cu e Caribe mexicano. E reunion entre lider di fraccion di RED y Arq. Humberto Vidal Russi a aborda diferente topico di interes comun. Na final a hasi entrega di un obsequio den forma di un buki tocante e Caribe mexicano (´Quintana Roo, replica del paraiso´) den nomber di Minister di Turismo, kende pa motibo di biahe no por tabata presente. Riba e portret por mira parlamentario Lampe cu e staatssecretaris Vidal Russi.
Di e forma aki partido RED ta preparando pa asumi gobernación di Aruba na 2009. E relacionan internacional na nivel di e industria turistico ta hopi importante pa e futuro di Aruba cu ta biba di turismo. Partido RED tin e apoyo internacional necesario pa asumi responsabilidad gubernamental na 2009.
| Comments () >> |
 |
 |
Lider di fraccion di RED, parlamentario Lampe, a tene diferente reunion cu representantenan di e Gobierno di Estado di Quintana Roo, Mexico. E mas importante tabata cu Rosario Ortiz Yeladagui na e Palacio di Gobierno di Chetumal, capital di e Estado. Ta trata di e coordinadora politico di e Gabinete, comparabel cu e funcion di prome minister den e sistema cu conoce eleccion pa e poder ehecutivo. E hefe di Gobierno ta e Gobernador di Estado. Click read more pa mas detayes y imagen.
