|
Rosenbauer ta ofrece su Panther na Aeropuerto |
|
|
|
|
Tuesday, 19 August 2008 - 00:00 |
 E compania Rosenbauer a establece su mes na aña 1866 na Linz, Austria. For di e tempo ey nan a bira masha conoci pa nan trucknan di combati candela. Na aña 1994 e compania a bira publico y un aña despues a penetra den e mercado Americano. Asina e compania a crece bira un di esunnan di mas grandi na Europa produciendo 1789 vehiculo pa aña cu entradanan anual di riba 240 miyon Euro.Un di e vehiculonan cu mas a hala atencion e ultimo añanan aki ta e “Panther” destina pa traha na Aeropuertonan pa combati candela di avion. Click read more pa mas detayes y imagen.
Ta trata aki di un vehiculo cu un chasis, super structura y un sistema di combati candela completamente integra, diseña y traha den e grupo di Rosenbauer mes. E vehiculonan aki ta traha sistema 6X6 pero cu otro opcionnan tambe manera 4X4 y hasta 8X8, pues ta move masha liher mes riba pista di aeropuerto. E chasisnan ta varia entre 2, 3 of hasta 4 as, cu un sistema di “All Wheel Drive” den forma permanente cu un forza di entre 500 pa 1250 Horse Power, sin lubida e volumen di e tanki di awa di entre 6000 pa 16800 liter. Ta bon pa menciona cu durante aña 2007, mas di 300 di e vehiculonan aki a keda bendi pa Rosenbauer na diferente aeropuertonan grandi rond mundo. E proceso di benta ta bay relativamente facil, pasobra e trucknan di Rosenbauer ta reconoci y certifica pa ICAO.
“Masha poco Bo por haya un vehiculo cu tin tur e componentenan integra manera esaki”, asina Juan David Yrausquin di R.E Yrausquin & Sons a duna di conoce. “Esaki ta un vehiculo cu lo mihor den structura, chasis y sistemanan di combati candela, pues precisamente locual nos tin mester pa nos aeropuerto aki na Aruba”. Desde e aña aki e agencia di autonan marca Ford y Mitsubishi ta representa e marca aki tambe na Aruba y ta cla pa presenta un oferta durante e destaho publico cu lo tin pa compra un di e trucknan aki pa nos aeropuerto.
Despues di tanto aña di experiencia, Rosenbauer a presenta un vehiculo cu ta tene cuenta cu tur aspecto cu lo hunga un rol durante un incidente cu un avion na aeropuerto. For di e portanan cu ta habri liher, acceso pa drenta y sali e vehiculo y espacio pa no menos di 5 bombero pa sinta y yega mas liher posibel na e sitio di desgracia. E pompnan den e vehiculo aki por spuit 10 mil liter di foam pa minuut, mientras cu for di riba dak di e vehiculo tambe por spuit 7 mil liter di foam pa minuut for di un distancia di 90 meter.
Pa loke ta e compania mes, e ta nobo pa nos aki na Aruba, pero bon conoci pa tur otro aeropuerto grandi na mundo. E compania Rosenbauer mes ta certifica cu ISO9001 y 14001 y ta conta cu un bon reputacion pa su calidad y pa su productonan cu Bo por confia riba dje. Nan ta conoci pa ta test tur nan vehiculonan durante e proceso di preparacion y prome cu entrega pa sigura cu unabez Bo tin un vehiculo asina den bo flota, cu e ta traha sin problema.
Mirando e crecemento turistico cu nos isla a conoce den e ultimo añanan, e crecemento di nos actividadnan na aeropuerto y e aumento drastico den cantidad di avionnan cu ta baha y subi bek for di nos isla, ta ora awor pa considera pa bay over na un flota di vehiculonan di bombero na aeropuerto cu ta di un calidad superior y usa rond mundo. Aruba tin un oportunidad unico pa por para banda di aeropuertonan importante manera esun na Irlanda, Alemania, Noruega, Singapore, Sur Africa, Dubai, Inglatera, Macau, Hong Kong y un lista di otronan mas.
| Comments () >> |
 |
 |
E compania Rosenbauer a establece su mes na aña 1866 na Linz, Austria. For di e tempo ey nan a bira masha conoci pa nan trucknan di combati candela. Na aña 1994 e compania a bira publico y un aña despues a penetra den e mercado Americano. Asina e compania a crece bira un di esunnan di mas grandi na Europa produciendo 1789 vehiculo pa aña cu entradanan anual di riba 240 miyon Euro.Un di e vehiculonan cu mas a hala atencion e ultimo añanan aki ta e “Panther” destina pa traha na Aeropuertonan pa combati candela di avion. Click read more pa mas detayes y imagen.
