| BBO y deroche di placa ta causa dolor |
|
|
|
| Wednesday, 20 August 2008 - 00:00 | |||||||||||||||||||||||||||||||||||||||||||||||
 “BBO ta bai causa un inflacion grandi. Esaki kiermen pobresa y problema social na Aruba. Pueblo cu a perde hopi di poder di compra lo perde mas. Negoshinan ta bai haya nan mes den dificultad. Nos hendenan ta bai perde entrada y cai atras cu fianzanan personal y hypoteca di cas”, esaki tabata nos preocupacion, awe e a resulta den realidad, nos a adverti pa esaki. Cu compasion pa pueblo y determinacion pa sirbi nos pais nos a drenta un lucha grandi pa para BBO, e lider di AVP, mr. Mike Eman ta recorda. Awe nos ta biba e desaster di BBO y e deroche di placa di Gabinete Oduber. Click read more pa mas detayes y imagen.
“Nos a mustra cu prijs di costo pa produci awa y electricidad tambe lo worde afecta. Apesar cu no tin BBO riba awa y coriente e otro productonan cu WEB y Elmar mester si ta bai aumenta cu BBO, concequentement awa y electricidad tambe lo bai subi. Nos a analysa cu e unico cu ta sali beneficia di BBO ta e caha di gobierno. Ora mira locual gobierno ta haya na entrada y locual supuestamente ta duna bek ta bisto cu e introduccion di BBO no ta “budget neutraal”. Pueblo ta paga hopi mas cu e ta haya na compensacion. Pueblo ta bira mas pober y gobierno ta sigui haya mas placa pa malgasta. E pronostico aki a bira e amargo realidad, mr. Mike Eman ta bisa.
Tur instancia a duna nos argumento mas forza. Raad van Advies a bisa: “De Raad kan zich op grond van het bovenstaande niet met de doelstelling en de inhoud verenigingen en geeft u in overweging het onderhavige ontwerp niet aan de Staten aan te bieden”. Raad van Advies: “De regering beoogt 3.1% aan koopkrachtverlies te compenseren; de introductie van een 3% BBO, cumulatief, zou in Sint Maarten een prijsstijging hebben veroorzaakt tussen de 15 en 18%”. E compensacion di gobierno lo no yega. Banco Central tambe a alarma pa e concequencianan di inflacion cu BBO lo causa. Ora analysa e cifranan cu gobierno a duna nos a yega na e siguiente conclusion. Inflacion ta bai subi dramaticamente. E reduccion den impuesto di gobierno cu ta basa riba un inflacion di 3.1% nunca lo bai cubri e sla duro cu e aumento di costo di bida ta bai subi cune. Esaki a resulta awor e doloroso berdad, e lider di AVP, mr. Mike Eman ta mustra. Un inflacion di 10.2% a 2007 y e promer mitar di 2008 ta mustra e mesun direccion. E prueba cu inflacion internacional ta bira un “perfect storm” bao di e efectonan di BBO ta e diferencia entre e inflacion di Aruba compara cu esun di Merca of Corsou. Di Aruba ta dobbel di Corsou of Merca. Esaki kiermen cu BBO ta haci e inflacion importa dobbel peor y ta strangula pueblo y empresarionan. Pasobra ta yega un momento cu empresatrionan tambe no por keda subi nan prijs, pasobra pueblo no tin pa paga. AVP a mustra riba tur e cosnan aki. Nos a cita Raad van Advies y Banco Central. Aruba henter ta bira mas pober, nos a adverti y bai baricada pa scapa Aruba di esaki. Nos a mustra tambe cu BBO ta bai afecta negoshinan y economia di Aruba. E lucha ta continua, BBO mester worde revoca y Aruba lo mester conoce un rumbo nobo, e lider di AVP, mr. Mike Eman ta bisa. Awe mas cu nunca nos mester haci e compromiso cu BBO mester bai. AVP a pone cifranan den un presupuesto alternativa con por elimina BBO, reduci gasto y inversion den alivio pa pueblo, den ensenanjansa, infrastructura, den asistencia social husto, un calidad di bida husto y bon pa pueblo. 
realistico
said:
|
|||||||||||||||||||||||||||||||||||||||||||||||
 |
Mike ta campanjando na merced di esnan cu no kier paga belasting cual porcierto ta e commerciante. E 3 porciento di BBO a drenta na vigor ora cu a nota cu un sin fin di commerciantenan no ta cumpli cu nan obligacionan relaciona cu belasting. Tur parti di mundo esaki a bira e mihor forma pa por controla e obligacionan di un commerciante sincero. Ta Mike Eman s kier pa e pueblo paga y e commerciante no. Con por ta posibel cu bo ta opta pa kita BBO pa proteha e comerciante y di otro banda ta pidi pa kita mas di 1000 hende for di gobierno??? Mike no ta sincero, sorry. |
realistico
said:
|
Awe Mike ta kita BBO y algun anja pasa Henny a para na pomp di gasoline pa baha e prijs! Wawww nan ta grandi den nan promesanan, pero en realidad chikito den nan hechonan... Mi ta kere cu awor ta BBO, un tiki anuncio di morto tur dialuna y c*lpa Nel pa delaster un cos cu por tin....Que politico mas madura Aruba tin den Mike Eman. Bisa cuanto hende bo kier laga kita for di trabao anto e ora nos ta discuti..... |
Presidente
said:
|
Mike, stop di bin cu ridic*les. Bay habri medionan di Hulanda y wak kiko BO parttido ruman ya caba ta haciendo cu e salestax. Otro anja atrobe ta bay tin un aumento. Y no ta berdad cu bo a bisa caba na algun miembro di bo partido cu bo lo no bay kit'e, pero lo bo bion dilanti, bisando cu gobierno a laga mucho debe atras y pesey no por kita BBO. Y cu despues lo bo cambia e BBO pa un otro tipo di salestax, anto lo bo bisa cu esaki ta pa alivia e pueblo. Pero a lo largo bo no a haci nada. BISA MI SI MI TA GANJA CU ABO LO A BISA ESEY. |
KMLO
said:
|
Ami ta prefera un BBO di 3% tur dia ariba un BTW di AVP di 12.5% tur dia. Ademas loke wordo paga na belasting bo ta wak'e bek den comunidad... no manera antes miyones na belasting y nada den comunidad. Ami ta prefera tambe e BBO cu ta haci cu e comerciantenan ta paga 20% MENOS na winstbelasting, dus nan ta resta placa pa inverti den nan negoshi y empleadonan, si nan NO ta haciendo esaki, no ta mi c*lpa. Ademas, ken por a kere cu mundo lo pasa den crisis energetico aki cu a haci cu tur cos a subi 200-300% y di mes, subi na Aruba tambe. Danki Dios y pa malasuerte di Mike... prijsnan di petroleo a cuminsa baha bek y por spera cu e recesion di USA drecha y dollar subi despues di eleccion, ora nan core cu Bush for di White House. |
Honey
said:
|
Awo boso a cuminsa cu BBO atrobe!!! Ja boso no sa mas kiko pa hasi. Otro siman kisas ta Lotto, next kisas Namdar. Asina boso ta sigi. Boso echt tin full e pueblo fada y ta boso joramento ta pone cu tin kos malo ta pasa riba e luga aki. Boso stop di jora. |
O.K.
said:
|
Mike mi kier waak bo kita BBO. Awor bo ta grita pero ora bo sinta mi ta sigur cu lo bo hise mas ainda pasobra asina bo partido ta. Hamas y nunka lo mi bolbe vota pa boso. |
biba aruba
said:
|
ta hende loco so ta bai tras di avp,e partido mas mentiroso den historia di aruba!nan kier supuestamente kita e bbo di 3 porciento pa bin cu di nan,esta e btw di 12,5 porciento.hoepel op om! |
mr. nice guy
said:
|
BBO? miho nan kita e famoso brandstofclausule cu ta come nos cartera, si mi ta paga e coriente cu mi ta husa y tambe e producto cu ta genera e coriente, ta ki gasto e compania tin anto? gasto di salario of tin otro gastonan? aha mi sa kaba BONUS Y MAS BONUS pa fin di aña esey ta loke mi ta paga tambe. pesey coriente no por baha na aruba ni maske cu gasolin baha ta na 1,50. |
Studiante
said:
|
Laga BBO keda. Loke mester worde hasi ta un control riba tur compania kiko ta nan ganashi pa wak si nan ta hasi abuso cu pueblo si of no increibel con prijs di productonan a bira asina caro. Awo ta Gobierno su turno di inverti e ganashi na belasting aki na un mihor manera sin pensa riba nan sako so. Inverti e cen aki riba nos pueblo (pa stabilisa centronan pa juda adictonan obligatoriamente asina aki nos hendenan ta bira mas eficiente pa nos pueblo) duna nan trabow no neglicia nan esunan cu ta blo horta duna nan un les obligatorio pa cuminsa sinja con pa drecha nan bida den otro palabra duna nan e second chance di berdad,tambe pa nos infrastuctura i toerismo. Hasi manera Dubai no pensa riba petrolio so si no bin cu algo mas eficiente cu Aruba por biba di dje den futuro stop cu e pensamento di matusalem i bin cu inovacion. Pa nos stop di depende di otro islanan pa cuminda etc. Dus invertie pa boso hanja e fruto. |
MOM
said:
|
........mikto busca cos drechi pa hasi,NINGUN HENDE TA KERE BO MAS,NO NO TA BERDAD TIN UN PAR DI LOKO AINDA TA KEREBO,PERO WAK BON KEN NAN TA,TA ESUNAN CU SEMPER MESTER DI FABOR NAN TA BULA DI PALO PA PALO PA SATISFACE NAN MES,MAS AINDA LOKE mikito a priminti nan hahahahhaa |
Studiante
said:
|
BBO tawata bon pa aua???? Boso inkomen no a bai atras?? Rubianonan mester stop di bai blindelings tras di un partido. No ta paso mami cu papi tawata mep of avp boso tambe mester ta pa e mesun partido. Busca information usa bronnen cu tin FEITEN!!pa wak si di berda inflation a subi, si economia ta bayenede bon ( cbs.aw) Bai tras di feiten no spec*lation. Asina ta educa boso mes y bo ta pone e gobernante hisa nan nivel. Gobernante ta gusta biba den pasado kiko un partido a hasi etc y no ta wak pa futuro.Ki ta para cu vergrijzing??? cu e maneho social???? y awo cu e economia di aua to ta di caba?????? |
Hellraiser
said:
|
Studiante, bay caba bo scol, ok. Pasobra tur cos cu bo amenciona al lo largo in di haber cu otro. Pero toch studia caba bo scol y bin bek pa duna nos les. Ta tras di feiten inflacion ta y cu economia a crece. Ta full mundo ta sufri di inflacion. Merca a hasta bay den recess. Hulanda ta sufriendo awor di 3.2% di inflacion. Spanja tin un inflacion di 4.3%. Bo por hanja tur e informacionan aki ariba internet. Awendia no a facil pa ganja pueblo, pasobra tur co sbo por hanja ariba internet |
@@@@
said:
|
Studiante, bo no ta ripara cu ta den neishi di MEP bo ta metiendo??????? |
Bito
said:
|
Mike....ma bisabo hala di biaha,baha na awa di Aruba..bos partido tawata mane un tsunami riba e isla aki,@@@@.............stop di defende partidonan ladron! |
Asfs...Stima tur hende... sa caba Badness outta Style!!!
said:
|
dcn nan no por a pone e winstbelasting di hulanda of tax di merca tambe aserca???? bbo ta un dje wes'i lomba nan di economia |
Presidente
said:
|
ha, e hendenan di AVP a cuminsa hanja miedo aki riba. Nan no por imagina nan mes cu ta tur caminda tin MEP. Y cu ta MEP ta sigui manda. Y studiante: BBO ta un inovacion. Tur parti di mundo tin salestax, dus ecambio di impuesto. Wel, Aruba no por a keda ras. Pesey, mi ta bisa bo, si esaki wordo kita of elimina. Nos ta bay cay bek den un decadencia economico y cu despues ta bay causa mas inflacion y un tremendo crecemento economico. Awor abo ta studiando ainda. Ora bo caba di studia, abo lo ta cla pa entrega Aruba economicamente na un otro, pasobra un partido politico ta prefera di hinka Aruba den mas problema, pero basta e por drenta den gobierno??? Think about it!!! |
MOM
said:
|
STUDIANTE,SIGI STUDIA MI JUI,PASO PAPA CU MAMA KISAS NO TAWATA OF A HAJA CHENS CU BO TIN AWO,PERO NAN TIN PRINCIPIO,NORMA I BALOR TA LOCUAL TA KARESE HOPI DEN E HOBEN NAN,PASO ANAN A BAY STUDIA AFO JA TA CLA NO TIN NINGUN HENDE CU TA MAS SABI CU NAN,MI JUI TUR HENDE ALO LARGO TIN CU WAK ATRAS PASO TA DOOR DI MAL GOBERNASHON I CORUSHON NA ORDE DI DIA NOS TA PASANDO DEN HOPI DI E COSNAN AKI SIN CONTA CU E INFLASHON MUNDIAL CU TIN,TUR CABUJA TIN UN COMIENZO I UN FINAL PERO TA E MESUN UN CABUJA E TA OKE MI JUI DIOS BENDISHONABO DEN BO ESTUDIO I HASI BON USO DI DJE PERO NUNCA NO LUBIDA E SIJANZA DI BO MAJORNAN PASO SI ESEY BO NO TA JEGA LEEW DOEIIIII |
Condorito
said:
|
Pa AVP no ta importa nan si Aruba bay den bo mes sa na unda. Basta nan kita e BBO pa despues nan por bin bisa cu nan a kit'e. Sin worry cu e consecuencianan despues. Tanto bal pa tin tur e placa ey den bo cartera anto e no tin balor monetario. Ta pone mi corda un poco loke Alemania a haci den segunda guerra mundial. Na unda bo ta hanja biyetenan di mil Deutsche Mark, pero e vod cue placa ta hinca aden, tin mas balor. basta por a bisa cu nan tin placa. Si tin un hende cu por compronde un tiki di kiko mi ta papiando. Mas cla mi no por splik'e. |
Pro1344
said:
|
studiante, Mi inkomen no a bay atras. Mi ta ganando mesun tanto cu prome cu BBO. Ta e cosnan a bira mas caro. Hasta na Hulanda, compara cu 5 anja pasa cu mi twt eynan pa awor, e prijsnan a subi. Pa motibo cu gobiernonan a aumenta e BTW, internationalmente tur cos cu ta importa a subi. Esey ta resulta door cu prijs di petroleum a subi, y mayoria cosnan cu ta importa ta bin cu barco of avion. Y barco y avion ta usa???? goed zo, fuel. Y fuel ta wordo traha door?? Goed zo, bo ta compronde con e cos ta hinca den otro. Y Si Mike ta todopoderoso e lo por percura cu e prijsnan lo no sigui subi. Pero Mike no ta todopoderoso, pasobra hasta e staatssecretarisnan ta hari Mike. Kiko lo ta di e Presidentenan di Paisnan cu ta percura pa oil? Usa bo celebro di studiante cu ta supose di ta mas jong cu esun di nos, pa asina bo saca bo som. |
Asfs...Stima tur hende... sa caba Badness outta Style!!!
said:
|
ta BBO ta yuda Aruba cu su economia... tuma ehempel di Merca... stoi keha pa un cos chiki...3 porciento ta pa yuda bo hende nan y economia di Aruba,, boso stop cue negativismo... |
Shoko
said:
|
Pensa bon prome cu scirbi locual bo ta pensa, maske cada un persona ta scondi tras di un "fake name". E ta un placer pa coresponde cu un mente sano cu respect pa un y tur. No ser un arogante y maske contribui cu algo sano den bo bida, maske ta un corespondencia cu tin logica, respect y nivel! No ser un "dom", ni ora bo ta scondi! |
Juancho Be
said:
|
Ki dia lo bin e cambio di ley necesario pa prijsnan di comestiblenan por wordo controla na Aruba? Otro anja ta eleccion, boso ta kere cu nan lo hacie awor, of lo bolbe bisa den nan folletonan cu nan lo hacie e biaha aki si, despues di eleccion ?? Corda bon Nel su palabranan di chuerche berdadero, ORA DI CAMPANJA MI TA GANJA BOSO NA GRANDI !! Mane cu otro ora SI e ta bisa berdad !?! Haci algo, y stop di sinta den boso stul dushi, buscando ken pa persigui. |
