|
Jacinta Kleuterschool a habri cu bentanan nobo |
|
|
|
|
Wednesday, 20 August 2008 - 00:00 |
 Scol a habri ayera cu alumnonan y maestronan di Jacinta Kleuterschool di Dakota masha contento. Esaki debi cu durante e temporada di vakantie, e compania cu mas ta creciendo na Aruba, Antiyas, den Caribe y awor hasta den Centro America a adopta e scol den gran forma. Despues di a sinta cu directiva di e scol preparatorio situa den curazon di Dakota, a dicidi di pone prioridad na e bentananan kibra y cu no por a habri mas. E scol tin 47 aña bieu y esey mes ta e cantidad di añanan cu e bentananan tin tambe. Click read more pa mas detayes y imagen.
Gerente General di Digicel Aruba, Michelle Winklaar hunto cu e gerente di mercadeo y promocion di Digicel Dutch Caribbean, esta Wanda Broeksema a bishita e scol pa mira con contento e alumnonan mes a keda. Awor nan tin un cura limpi, scol geverf y bentananan nobo cu por habri atrobe. E gerente di Digicel Aruba mes expresa awe cu e intencion no ta pa djis haci un solo donacion sino cu ta adopta e scol y den forma di fasenan ta yuda pa drecha e scol poco-poco. Tin plannan caba por ehempel pa planta mata den e cura di e scol, pasobra te cu awor e cura ta hopi bashi.
Na final di e ceremonia cortico, e muchanan tur a para pafor pa saca potret y hunto a grita “Danki Digicel” y algun di nan hasta e canta e ultimo propaganda di Digicel cu ta bisa “Bel-Bel-Bel cu Digicel”. Michelle Winklaar a expresa na final su deseo pa mira mas companianan adopta otro scolnan tambe, ya asina comercio ta duna un man tambe na un aspecto masha importante den nos comunidad, esta enseñansa.
| Comments () >> |
 |
 |
Scol a habri ayera cu alumnonan y maestronan di Jacinta Kleuterschool di Dakota masha contento. Esaki debi cu durante e temporada di vakantie, e compania cu mas ta creciendo na Aruba, Antiyas, den Caribe y awor hasta den Centro America a adopta e scol den gran forma. Despues di a sinta cu directiva di e scol preparatorio situa den curazon di Dakota, a dicidi di pone prioridad na e bentananan kibra y cu no por a habri mas. E scol tin 47 aña bieu y esey mes ta e cantidad di añanan cu e bentananan tin tambe. Click read more pa mas detayes y imagen.
