Antes ‘smoking’ tabata e trahe perfecto, elegante y sexy pa cualkier hende homber cu mester atende un evento di gala. Actualmente mas y mas hende muhe specialmente artistanan ta haci uso di e ‘smoking’ aki cu diferente asesorio haciendo e asina un trahe extremadamente sexy pa hende muhe tambe.

Durante di e diferente entrega di premio cu ta tuma lugar rond di mundo y otro eventonan di gala na unda e artistanan aki ta topa, nos por wak e damanan bisti cu ‘smoking’ y luciendo perfecto. Aki tin algun dama hopi conoci cu tabata sa bon con pa haci uso di e paña aki.

Calista Flockhart, un di actrisnan di e programa ‘Brothers and Sisters’ bisti completamente na preto cu diferente tipo di tela pa asina haci e luci mas elegante.

Charlize Theron, a bisa mescos cu James Bond pa e premiere di e pelicula. Pa duna e un toke femenino, el a laga e camisa blanco habri y haci un peinado suave cababando su tuxedo di e manera aki di forma sexy

Nicole Kidman, a laga e tuxedo aki den su forma original, cu un dashi femenino y cu asesorionan manera renchi grandi y briyante pa asina pone e toke femenino, elegante y dimes sexy.

Wak pa bo mes porta e trend aki lo ta algo pa bo tambe. Corda semper si cada trend of moda nobo cu sali bo tin cu duna bo toke original pa haci e algo di bo mes y unico.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment