| Exitoso Scratch & Win di Setar yegando su final |
|
|
|
| Thursday, 28 August 2008 - 00:00 | |||||||
 SETAR ta recorda tur usuario di telefon prepaga cu e campaña exitoso di Scratch & Win ta termina diadoming dia 31 di augustus 2008 proximo. Clientenan ainda por probecha y gana premionan te cu diadomingo awor. Manera ta conoci, SETAR ta festehando 5 aña como compania NV. Entre e diferente campañanan pa cliente coriendo simultaneamente, SETAR a intruduci e carchi di telefon na balor di 15 florin cu yama “SCRATCH & WIN”. Cu e promocion aki, e clientenan por gana un total di Afl. 75.000,- na premio incluyendo 10 premio grandi cu un balor total di Afl.1.000,- cada un. Click read more pa mas detayes y imagen.
E promocion “Scratch & Win”
E promocion “Scratch & Win” tabata specialmente introduci cu e evento di mas grandi di vakantie na Aruba Sparkling Tour. Mandando e código special riba e carchinan cu e diseño di Sparkling Tour via SMS pa 221, clientenan por a gana un di e hopi premionan disponibel pa e campaña aki.. Tur siman e clientenan ganador por a pasa reclama nan premio y si e persona gana yamada gratis esaki ta bai automaticamente riba e number di celular cu el a manda e mensahe. Un total di Afl. 75.000,- na premio Cu e campaña aki SETAR a duna un total di Afl. 75.000,- na premio cu ta consisti di premio al instante of premio di descuento. Premionan instantaneo a inclui p.e. celular, yamada gratis, MP3 Player di SETAR of carchi di entrada pa Sparkling Tour 2008. 10 diferente premio grandi cada un na un balor di Afl. 1000,-. Ademas di tur esaki a pone 10 diferente premio grandi na un balor di Afl. 1.000,- cada um disponibel. E premionan grandi ta consisti di Weekendstay na Corsow, I-pods, diferente kadobon di tiendanan renombra na Aruba tur na un balor di Afl. 1.000,- hunto y varios otro premio y descuento riba compra di celular. E promocion aki a cuminsa dia 1 di juli y ta termina 31 di augustus 2008. Despues di e fecha aki e carchi special aki lo ta obtenibel ainda pa recarga telefon celular unicamente, dus sin e posibilidad di gana premio. Riba e potret: Algun clientenan ganador di “Scratch & Win” cu recientemente a haya nan premionan.
|
|||||||
