| Publicacion di maneho competencianan legal |
|
|
|
| Thursday, 28 August 2008 - 00:00 | |||||||||
 Procurador General interino a publica den Landscourant di Aruba di 22 di augustus 2008, un richtlijn cu el a formula hunto cu su colega di Antiyas Hulandes. E textonan ta igual pa tur dos pais. Ora el a ofrece e richtlijn na e departamentonan di investigacion penal, Procurador General interino a determina cu e richtlijn lo drenta na vigor riba prome di september venidero. Cu publicacion di e richtlijn aki ta pone na conocimento general cu, adelantando riba un areglo legal nobo, Ministerio Publico y otro departamentonan di investigacion penal lo usa competencianan legal especial na interes di investigacion. Click read more pa mas detayes.
Recientemente e necesidad pa e publicacion aki a bira particularmente urgente.
Poco tempo pasa den varios sentencia den e asina yama “Caso Domino”, huez na Aruba a bisa cu e falta di “publicidad” tocante uso di e competencianan penal en cuestion, tabata di importancia determinante den huicio di admisibilidad di pruebanan cu a haya como resultado di aplicacion di e competencianan aki. Pa e motibo ey, huez a exclui pruebanan for di e dossier, loke a hiba na un cantidad considerable di vrijspraak pa hechonan cu sino lo por a wordo comproba. Ora di combati criminalidad organiza di droga, e uso di e competencianan aki a resulta di ta necesario. Pa loke ta e competencianan penal, e richtlijn ta sigui e concepto di ley di un areglo legal nobo di e competencianan. Recientemente ministronan di Husticia di Antiyas Hulandes y Aruba a expresa e deseo pa e areglo legal keda cla dentro di no mucho tempo, posiblemente e aña aki ainda. E richtlijn en cuestion ta cana dilanti e areglo aki. Uso di e competencianan ey a wordo getoetst anteriormente pa huez y mester cuadra awor cu e critero di publicacion. Cu publicacion di e richtlijn den e Landscourant di Aruba a cumpli cu e criterio aki. Di cua competencia penal ta trata? Cu e richtlijn aki e departamentonan di investigacion criminal ta haya e competencia pa, despues cu fiscal a duna ordo (den algun caso despues di a haya autorizacion di Procurador General) ora di sospecho di hechonan castigable severo (cu ta haci detencion preventive posible): • observa na un manera sistematico • infiltra (tambe dor di un ciudadano) • haci un compra ficticio of un servicio ficticio (tambe dor di un ciudadano) • acumula informacion na un manera sistematico tocante un sospechoso • drenta sitionan priva • scucha comunicacion confidencial (scucha directamente) • pidi informacion cerca tercer partinan • usa aparatura cu cual telefonnan celular por wordo identifica y localiza • no cumpli cu confiscacion obligatorio di bienes (laga pasa) • haci un investigacion exploratorio • haci uso di declaracionnan di un kroongetuige*. Den e concepto di ley a inclui e competencia penal di tap telefon y pidi informacion di conversacionnan. Pa e competencianan aki ta existi actualmente un areglo legal. Te na introduccion di e ley nobo, e areglo ey lo keda na vigor den su totalidad. E richtlijn no ta kita ni agrega nada na dje. Ta asina cu un richtlijn no por hala un areglo legal existente un banda. Den casonan penal caminda un of mas competencia penal especial a wordo usa, ta cada vez Huez cu mester dicidi si esey ta admisible of no. Cu tur e competencianan penal nobo aki Polis y Ministerio Publico, otro cu ta e caso actualmente, ta mihor capacita pa bringa e formanan mas importante di criminalidad pisa na un manera adecua y exitoso.
kadushi
said:
|
|||||||||
 |
hOPI BUNITA, PERO KIE DIA TA INTRODUCI E LEY DI SELF DEFENSE. LADRONAN TA DRENTA BO CAS, HORTA TUR COS. NANTA SECUESTRA Y BATI HENDE GRANDI. PIDIBO FLORIN Y RANCA BO CARTERA B AY CUNE. HORTA BO AUTO PLUMA TUR COS DESPUES CENDE NA CANDELA. POLIS UNO TA HACI NET NADA, BISABO BIN CU PRUEBA. Y ORA BO BISA NAN TA KEN TA EXIGIBO PRUEBA,L PASOBRA NAN NO POR PUNTRA E PERSONA SI TE A HORTA DEN BO CAS. SIBO M ISHI CU NAN BO TA BAY CERRA Y NAN TA BAY DRUMI EERSTE KLAS NA HOSPITAL. O.M. WIJ LEVEN IN ZUID AMERICA NIET IN NEDERLAND. GEEN STRUISVOGEL POLITIEK, DE CRIMINALITEIT IS HOOG, HET VOLK MOET ZIJN EIGENDOMMEN EN FAMILIE KUNNEN VERDEDIGEN, DAAROM POLITICI VOER IN DE WET OP ZELF VERDEDIGING. |
Advocatus Diaboli
said:
|
Kadushi, e gobierno no mester implementa niun ley di zelfverdediging. Esaki ja tei kaba, si bo djies buska bon lo bo hanje.  . e ta para duidelijk na artikel 43 van Sr. |
kadushi
said:
|
dal un choller den bo cas nan ta cerrabo1 |
