|
Comision di Bienestar a reuni cu ODEA |
|
|
|
Thursday, 28 August 2008 - 00:00 |
 E Siman aki e miembronan di e Comision Fiho pa Asuntonan di Bienestar, Famia, Hubentud y Salubridad Publico a reuni bao presidencia di Dirk Dumfries y griffier mr D. Jacobs cu directiva diario di ODEA. Esaki den cuadra di e plan di trabao di e Comision pa ‘Hisa calidad di bida di un y tur na Aruba’. Topico di e reunion tabata ‘desaroyo en general relaciona cu Salubridad Publico y e aspecto di calidad di cuido di e pacient en general na Aruba”. Gracias cu Aruba desde nos Status Aparte a crese enormemente den poblacion y económicamente. Click read more pa mas detayes y imagen.
Y consecuentemente e precion pa brinda mas servicio di calidad a aumenta. Pues e retonan pa brinda un servicio di calidad na nos pueblo ta un prioridador. Segun e Presidente di ODEA Richard Maxwell, mester bini mas structura den Salubridad Publico. Y mester bini mas atención ariba e parti di inspeccion. Inspeccion y control ta un garantia pa brinda un cuido di calidad. Loke a resalta cu tur invitado ta boga pa yega na un ‘plataforma’ pa discuti y dialoga mas ariba e cadena di cuido.
Pa tur instancia ta na altura di e vision di gobierno y pa conhuntamente ehecuta e mision di gobierno unda nos kier bay. Informacion suminstra door di ODEA ta indica cu tin mas o menos 600 persona directamente registra cu ta traha den e sector di cuido. E Directiva di ODEA a reuni cu representante di Departamento di Salubridad Publico. A reuni cu instancia manera Wit Gele Kruis y Dr. H.O Hospital. Den futuro lo reuni entre otro cu Hospital, SABA, Centro Dakota, Departamento di Enseñanza, EPB y EPI pa profundisa mas den e currículo di cuido etc. Mester mensiona cu a yega e momento pa pone prioridad ariba e ‘thuiszorg’ y ehecuta un maneho di mas prevencion di parti di Departamento di Salubridad Publico.
For di un principio ODEA lo sostene AZV den tur su esfuerzonan pa baha su gastonan y proyectonan. Tur e invitadonan a indica cu mester sigui pone mas atencion na informacion, prevencion, movecion, pa un bida saludabel. A pidi Parlamento pa no solamente pone hopi atencion ariba e maneho economico pero pone mas infasis ariba e cuido y salud di nos pueblo. Pues cu mester pone mas atencion den e maneho di gobierno ariba e aspectonan pa mas hoben bira enfermera(o) den e cuido basico.
|
Subscribe to this comment's feed
Mustra/Kita comentarionan
Mustra/Kita e formulario di comentario
