| Multa ora di emplea personanan ilegal |
|
|
|
| Saturday, 30 August 2008 - 00:00 | |||||||||||||||||||||||||||||||||||||
 Ta intencion di Gobierno pa proximamente den articulo I di e Ley di Ordenansa (lands-verordening) di 28 di juni 2006 (AB 2006 no. 30), implementa y laga drenta na vigor e partinan B, N, na 2o, P, na 1o y na 3o, R na 2o, y T te cu y incluso X.E articulonan aki mester reemplasa e actual ehecucion di e Ley di Ordenansa di Admision y Expulsion, conoci como LTU, cu un ehecucion administrativo. Despues cu a implementa e articulonan menciona, lo ta posibel pa actua - pa medio di multanan administrativo - contra violacion of incumplimento di e reglanan di e LTU. Click read more pa lesa e montante cu tin na boet!
Relaciona cu esey ta
recomendabel pa duna publicidad na e maneho di multa, cu lo wordo
aplica den caso di violacion of incumplimento di e reglanan en
cuestion, pues conforme articulo 24 di LTU por duna un multa na esun cu
ta actua contra e reglanan di LTU. Aki ta trata e prohibicionnan pa:
tuma of mantene un persona den servicio, of lag’e haci trabounan contra
pago, sin cu e persona ey tin un permiso di estadia valido;tuma of mantene un persona den servicio den un funcion cu ta diferente na esun cu ta menciona den su permiso di estadia temporal. Violacion di e prohibicionnan aki ta un hecho cu ta castigabel pa medio di un multa (beboetbaar feit). Hechonan castigabel pa medio di un multa, ta wordo constata dor di funcionarionan publico, encarga cu vigilancia di cumplimento cu LTU pa medio di un decreto estatal (landsbesluit). E multa ta wordo impone dor di e funcionario publico, apunta pa esaki dor di e ministro encarga cu asuntonan di stranhero; como tal a wordo apunta e director di DIMAS. E director di DIMAS ta evalua e raportnan, compila dor di e funcionarionan publico encarga cu e vigilancia; si e director, a base di un raport, ta huzga cu tin un hecho castigabel pa medio di un multa, y ta constata cu ta trata di e prome violacion cometi dor di e persona natural of huridico concerni, e director ta informa e persona ey inmediatamente cu el a constata e hecho castigabel pa medio di multa, cometi dor di su persona, y e ta avise cu e siguiente biaha cu constata un “beboetbaar feit” cometi dor su persona, lo impone un multa riba su persona. Director di DIMAS ademas ta informa e persona concerni cu, relaciona cu e advertencia aki, e tin e mesun derechonan cu esun cu a wordo notifica di un multa. Den caso cu den cuadro di e LTU bolbe constata un hecho castigabel pa medio di multa, cerca un persona natural of huridico cu a ricibi un advertencia manera menciona anteriormente, director di DIMAS lo actua di e siguiente manera: un persona natural ta haya un multa fiho di Afl. 500,-- , aumenta cu Afl. 100,-- pa cada persona cu e persona natural aki tin of a tuma den servicio, of a laga haci trabounan contra pago; un persona huridico ta haya un multa fiho di Afl. 1.000,-- , aumenta cu Afl. 250,-- pa cada persona manera menciona ariba. Den caso cu serca un persona natural of huridico constata pa di tres, di cuater of di cinco biaha un hecho cu ta castigabel pa medio di multa, director di DIMAS ta actua di e siguiente manera: un persona natural ta haya un multa fiho di respectivamente Afl. 2.000,-- , Afl. 3.500,-- y Afl. 5.000,-- , aumenta cu Afl. 250,-- pa cada persona manera menciona ariba; un persona huridico ta haya un multa fiho di respectivamente Afl. 3.000,-- , Afl. 6.000,-- , y Afl. 10.000,-- , aumenta cu Afl.500,-- pa cada persona manera menciona ariba. Den caso cu serca e mesun persona natural of huridico pa un di seis of un siguiente biaha constata un hecho castigabel pa medio di multa, e director di DIMAS ta haci un denuncia serca Ministerio Publico di un hecho castigable manera indica den articulo 34, prome respectivamente di dos of di tres inciso di LTU. Si e denuncia aki no conduci na un persecucion penal, director di DIMAS ta impone riba e persona concerni un multa cu ta dos biaha e suma cu ta impone den caso di un di cinco hecho castigabel pa medio di multa. Ora di determina e suma total di e multa, director di DIMAS ta tene cuenta cu e reglanan di articulo 28, prome inciso, di LTU. Si e circumstancianan bou di cual a constata e hecho castigabel pa medio di multa, ta duna motibo pa esaki, director di DIMAS por reduci e suma di e multa fiho cu maximal mitar. Den e disposicion cu cual ta impone e multa, ta menciona e motibo pa e reduccion.
DKT
said:
|
|||||||||||||||||||||||||||||||||||||
 |
Pakiko a y ta tarda asina hopi pa bin cu e ley ey????????????????????? |
Arubano di pura sepa
said:
|
Tin hopi Arubano cu por ocupa e trabao di sales den Hoyeria nan pero nan no ta haya oportunidad y nan ta wordo ge-screen y ta busca tur sorto manera di saca informacion over di nan mientras e Hindu nan si no ta pasa ningun screening y ademas mayoria di nan ta abusa di nos Arubanonan. E sales managernan ta e campion-nan den sexual harashment y toch nan ta sigi haya permiso pa traha na Aruba te hasta un ex-politico R.E. di e partido na mando ta apoya pa emplea e Hindu nan bisando cu nan ta mas productivo cu nos Arubiano pero e no ta bisa cu nan manera piraña ora cu cliente drenta e establicmento. Mi ta spera cu awor si bin cu ley pa un y pa tur sin exepcion y cuminsa saca e Hindu nan for di nos Isla stima. |
Roslin
said:
|
Nan mester bin cu ley cu 75% di e empleadonan mester ta Arubiano, den tu sector. I no tarda mas cu e ley mas pronto. E hindu nan ta kere cu na Aruba ti esclavo, nan manera di commonica, nan manera di servisio. Bai tin reclamo diripiente ta bini 4 of 5 hefe pa dici , esei ta un mal servisio paso si wak con nan ta discuti den nan lenga dilanti di di e persona esei t a sin respet. |
rubiano
said:
|
e ley mester a bin hopi tempo caba. pasa un ta hindu so principalmente latino cu ker bin pas riba nos cabes tambe |
Hindu 100%
said:
|
Sin hindu, Aruba su economia no lo draai....anto arubianonan ta mas fluho cu tin...Nan no por traha duro,dje ker sinta anto gana placa...anto bai riba AO....Terwijl e Hindu nan ta traha duro........Ta bon tin hindu pa hiba Aruba delante....si twt arubiano...nan lo ta faillet den tempo cortico !!!!! STOP di Discrimina hende nan stranhero pasobra aboso mes no por ta Miho......Arubiano nan gaat alleen maar achteruit !!! |
Asfs...Stima tur hende... sa caba Badness outta Style!!!
said:
|
dkt.. pa bo puntra noh.. roslin.. bo ta lubida cu mayoria di 'arubiano' nan mes ta IMIGRANT noh... |
Onbeschoft
said:
|
Awor numa e ley a keda cla? Stranjo si cu net awor e ta cla. A tarda basta si. Si mi no ta ekiboca ta rudy croes a haci politica cu e cos aki, cu nan ta bai multa e donjonan di trabou pa si nan hanja ilegal na trabou tog? Anto wak cuanto hende indocumenta guarda nos costa tawata gara y niun donjo no a hanja multa. Shonnan campanja a cuminsa. Joepieeeeeeeeeeeeeeee, mi ta bai sinta warda wak cua di nan tin cos pa regala pa bo vota pa nan. Hahahaahahahaa. Biba Mep |
MOM
said:
|
E MULTANAN TA MUCHO ABOW,I NAN LO SIGI HASI MESCOS,PONE MULTA MAS HALTO I TAMBE NADA DI E DI 4 BIAHA OF 5 BIAHA CU NAN HAJA NAN CU ILEGAL,TA UN BIAHA I TA CLA,PA NAN CUNSA RESPETA ASINA AKI MANERA NAN A PONE TA HARI NAN TA HARI ESEY TA MI OPINION PERSONAL..... |
arubiana
said:
|
shon nan no ta hindu so, ami ta traha pa un compania grandi na aruba y e donjo nan ta arubiano pero nan ta stima un latino....latino tin preferencia den nan compania y arubiano nan ta wordu trata manera esclavo y buska tur manera pa kita nan for di trabow ami ta pasando den e situashon aki y dor ku ta sector priva dus compania priva nos no tin un kaminda pa kana paso labor tambe ta stranhero nan ta juda y no arubiano nan. na e compania kumi ta traha tur e directorsnan y managers nan ta homber nan arubiano kasa ku latino pesey tur ta adora un latino.........mi ta sigi traha eynan paso dor dimi edad mi no por hanja trabow otro caminda pesey mi tin di guli y manda abow............ |
what ever
said:
|
Mensen, no ta solamente hindu, pero tambe tin arubiano nan com director di cierto luganan, vooral fast food service cu ta prefera di tuma latino of otro nacionalidad paso nan ta hasi kier di nan. paso un rubiano no ta tuma for di niun hende. mane nan ta bisa, makako sa cua palo pa subi...... |
Warwaru
said:
|
Segun mi ta minister di husticia a anuncia e cos aki un paar di tempo atras te cu guarda nos costa tawata coi ilegal na pia di trabou. |
what goes around...
said:
|
Laga Dimas cuminsa di hasi nan trabao drechi pasobra cuanto lunan un estahero mester warda pa su permiso ta keda cla ? Ta dimas mes cu ta tarda tur e prosesonan.Ta Dimas mester hanja un boet hunto cu e minister ei tambe. Arubianonan ta floho. Nan ta na Hulanda ta biba lekker y nan nokier bin bek prome nan ta hanja un bon position pa sinta. E berdad ta duro nos mester di estranhero . Exito cu un otro medida kens .  |
jc
said:
|
Check RIU Hotel, check sin arubano ta traha eyden? |
botojos a papia
said:
|
Boshi danki pa e burocracia di bo departamento prestigioso esta Dimas ta un di e obstac*lo nan mas grandi di preveni Petrobras cumpra Valero. Stop cu bo arogancia y traja na bienestar di Aruba no dibo egoismo so laga los bo ta ya demasiado redic*lo cu bo leynan funesto pero danki nabo cos nan a stagna entre Petrobras pa bin Aruba. Rafael E. Maduro un ex fiel votador di bo y bo partido adios quo vadis boshi |
the observer
said:
|
MI TA SPERA CU E LEY AKI LANDSVERORDENING TOELATING EN UITZETTING TA APLICABEL PA TUR PERSONANAN NATURAL NA ARUBA Y TAMBE PERSONANAN HURIDICO SIN WAK E COLOR POLITICO Y CU LO MIDI CU UN SOLO LINIAAL. MI TA CONTENTO CU PORFIN A BIN CU UN BELEID PA CU ESAKI, Y CU ESAKI LO CONTA PA UN Y TUR. TAMBE PA COMERCIANTENAN CU TA PERTENECE NA FAMILY AND FRIENDS.TAMBE E FUNCIONARIO PUBLICO MESTER WORDU AANGEWEZEN PA MEDIO DI UN LANDSBESLUIT, PA REGLAMENTA SU OPSPORINGSBEVOEGDHEDEN, BEBOETBARE FEITEN CONFORM L.T.U., Y OTRO ASPECTONAN CU TA REGLAMENTA ESAKI, DOOR DI E MINISTER CONCERNI CU DIMAS.BON TRABAO. |
Sonrisa
said:
|
Ta payasada e cos aki, tabata tin un ley di anjas caba cu ora nan hanja un ilegal ta traha, e donjo ta hanja un multa di 5 mil florin. Cua donjo a yega di hanja e multa aki? NIUN. Y mester bin un cambio den cierto departamento di cual extranheria ta cai bow dje, pasobra INFORMACION ta leak. Bo ta ripara cu campanja a cuminsa atrobe. Tabata tin tur tempo pa a acuta. Unda cu bo bai ta spanjo bo ta tende, anto e budget di onderstand ta aumenta pasobra arubiano no por hanja trabow. |
Warwaru
said:
|
Campanja a cuminsa cu cos bieuw, mi ta warda wak kico nan lo bin cune awor. Ahahaaa hopi cos awor si lo por logra. |
