| Haya sa un tiki mas tocante e droga XTC. |
|
|
|
| Saturday, 30 August 2008 - 00:00 | |||||||||||||||||||||
 Centro di Informacion pa Asuntonan di Droga (CIAD) ta e centro di experticio den e area di uzo di substancianan, adiccion en general y tambe cuido di adiccion na Aruba, cu ta resorta bao di Coördinatiebureau Drugsbestrijding. Manera e nomber mes ta bisa; “informacion”, pesey mes CIAD ta percura pa publico haya tur informacion riba e tereno aki, siguientemente por lesa un articulo tocante e droga XTC. Click read more pa mas informacion.
XTC ta un droga cu ta wordo traha pa sernan humano den laboratorionan
ilegal, compara cu otro droganan cu ta bin di naturalesa (planta), cu
tambe por wordo reproduci (cultivacion di marihuana por ehempel). E
droga moderno aki a sa di subi mercado den añanan 80 rond mundo. Locual
semper a keda un misterio pa esnan cu ta uze, ta e ingredientenan
peligroso cu e XTC ta contene. XTC ta bin den diferente forma di pildo
of capsula, pero awendia bo por haye tambe den likido of puyro. E pildo
cu ta esun mas conosi, cu ta bin den cantidad di variacion: varios
colornan, formanan (plat, rondo, triangulo, cuadra) y tamañonan grandi
of chikito. Hopi biaha nan tin un dibuho riba nan, manera curason, cara
di extraterreste, un flor y mucho mas. E dibuho no ta importante
mirando cu e no tin nada di haber cu e contenido di e pildora, esaki ta
djis pa hasie mas atractivo pa e cumprador.
XTC su ingrediente principal ta e asina yama MDMA (un nomber cientifico). E producto aki ta esun cu tin efecto riba bo comportacion y mente (bo manera di experencia e mundo rondo dibo). Por dura 20 pa 60 minuut pa e prome pildora cuminsa duna efecto na e uzador, e ora cu ta sigui despues di esaki ta esun di mas fuerte. E efectonan aki por dura 4 te cu 6 ora largo pa disparse. Serca cada hende e efecto ta diferencia, depende di e dosis y e pildora cu ta wordo consumi. Efectonan ta varia di halucinacion, hole, mira, sinti y purba cosnan cu no tey (existi) por ehempel, pitufo, diabel, monster, color ect y tambe hendenan bou influencia di XTC ta actua manera den trance y ta bira masha cariñoso of intimo cu tur hende, te hasta nan enemigonan! E peliger di mas grandi ta esun di reconose e pildora, ningun hende por reconose XTC cu wowo y no tur ora tampoco dor di purba mirando cu tin otro droganan cu ta duna casi e mesun efectonan (MDA of MDEA). Na momento di uzo e chens pa intoxicacion ta hopi grandi mirando cu riba e mercado di droga, hopi productonan toxico ta wordo uza pa rindi e droga. Tambe hende ta cumpra un pildora como XTC cu den realidad ta MDEA cu tin mesun efectonan pero mas corto. Na e momento ey e uzador ta sinti gana di aumenta e dosis mirando cu e no ta haya e efecto desea y esaki por causa un paranoia, black out, coma of morto. Pa aña ta wordo produci un total di mas o menos 2500 sorto di XTC na Europa, cu despues ta wordo reproduci cada un, segun informacion di e EUROPOL Catalog. XTC ta un droga hopi malo pa e funcionamento normal di sernan humano y nan organonan principal cu ta, curason, cerebro, higra y riñon. Uzo di XTC por hiba hende na hopi problemanan y tambe situacionan no desea manera, wordo abusa/viola, wordo horta of maltrata. Pa mas informacion riba e topico aki, bishita CIAD of jama libremente na: 5881391.
Godfried Wanga (stichtingbeth-rafa)
said:
|
|||||||||||||||||||||
 |
Bon dia i Bendishon na Pueblo di Aruba. Hopi bon i mi ta aplaudi cu CIAD ta informa pueblo di Aruba tocante tipo di droganan i e effecto cu na ta hiba cunan pa pueblo por sa ki dano e ta hasi cu nos salud. CIAD sigi cu e bon trabow aki pa informa pueblo . Aki mi ta voegbij un website caminda pueblo di Aruba por bai ariba enternet i wak i hanja sa mas di otro droganan i nan affectnegativo pa nos salud . e website ta www.unitydrugs.nl Dios Bendishona bosonan rikamente i pasa un bon fin di siman Amen. |
eldjien
said:
|
eynan bo ta wak,.,tanto bagamunderia tin awendia,.,ami si lagami huma mi cheiba trankil i relax i min ta molestia niun hende paso mi ta hasie sano. mi ta hasie pa medita tambe i pa judami ku mi d**or di artirititis. pero awendia e mucha jong nan ki ta dal nan konan stranjo i bay drenta nightclub pa buska jui muhe di hende pa nan floria i arma pa ken ku bin pompa hanja bala.eynan nos aruba ta bay awo |
Maria Ras
said:
|
eldjen..... mi no ta di akuerdo ku bo persona, droga ta keda droga, si ta d**o bo ta sinti kumpra pastianan natural pa bo d**o, aki mi ta rekomenda bo pa kumpra na kua botika di bo gustu, SEVEN SEAS, JOINTCARE ta tur d**o ta bai, no tin mester di cheiba ku ta droga. Danki pa tuma tempo pa lesa mi mensahe pa bo ta un mehor hende sano. |
Sebastiana
said:
|
Mi kiera aplaudi e team dinamico di Polis cu ta capturando e "bendedornan di droga". Keep it up!!!!! Tambe mester find out ta di unda of na ki parti di Aruba e maldita droga ta drenta. Asina conhuntamente ta stop e fenomeno aki cu ta cabando cu nos jovennan/hende. Tambe mi ta pidi essunnan concerni di Husticia pa por favor AUMENTA E CASTIGONAN na tur loke ta trata di hechonan malo, especialmente criminalidad y bendemento di droga, pa asina e malhechornan por echt sinya di nan les y sinta nan anyanan den prison y pone nan traha duro den solo cayente pa nan sinya e manera duro. Husticia tin cu actua cu man duro y firme pa STOP e maldita droga drenta y asina tambe nos generashon y futuro generashonnan por wordo salba na tempo!!!!!!!! Di antemano masha danki pa lesa mi commentario y preocupashon pa cu e situashon destructivo aki. |
Wachter
said:
|
se djs chill riba cheiba |
Godfried Wanga (stichtingbeth-rafa)
said:
|
Bon dia i Bendishon na Pueblo di Aruba. Hopi bon i mi ta aplaudi cu CIAD ta informa pueblo di Aruba tocante tipo di droganan i e effecto cu na ta hiba cunan pa pueblo por sa ki dano e ta hasi cu nos salud. CIAD sigi cu e bon trabow aki pa informa pueblo . Aki mi ta voegbij un website caminda pueblo di Aruba por bai ariba enternet i wak i hanja sa mas di otro droganan i nan affectnegativo pa nos salud . E website ta www.unitydrugs.nl ora bo habri e website aki bo ta druk na man robes ariba Drugsdatabase i akinan bo ta wak tur e nomber di deferente droga na man robes cu bo por hanja mas informacion ariba nan. Dios Bendishona bosonan rikamente i pasa un bon fin di siman Amen. |
Sebastiana
said:
|
Pabien na nos Team di Polis cu ta haciendo un tremendo trabow na captura e bendedornan di e maldita droga, cu ta cabando cu nos generashon y futuro generashon. Mi ta spera cu Team di Polis por hanya sa di unda e droga ta bin y na cua partinan di Aruba e ta drenta. Asina so ta e unico manera cu por STOP e droga di sigui hasi su entrada di destrucshon den nos jovennan y adultonan. Un biaha mas pabien na nos Team di Polis. Petje af and keep up with the good work!!! It is fantastic, extraordinary, excellent, brilliant, wonderful and super!!! You guys are the best. And also congratulations to our Minister of Justice Your Excellence Mr. Rudy Croes for his support on this. Thanking you for reading my comments. |
j_vdbliek
said:
|
WEL WEL.... bendicion na bosnan tur. ami ta hopi prekupa pa nos hubentud! i no ta fout di e maldita droga so (alkohol i otro) sino di nan majornan . Si lagami tambe trankil ku mi weed un bon remedi sano i saludabel. sin ningun kimiko ku por mandabo den coma of otro desgracianan. hopi bon remedi eldjien. met mate nog wel. |
Claudette
said:
|
Hee....Buchi kon ta bai? Ajera mi a mirabo den e programma di Robby Schouten...konta bai...masha tempo...mi ta wak bo mi ta bisa meskos ku mi tata Eddy bo ta... Bo ta riba e bon kaminda....te ku bo ta judando bastante hende... Forsa...salu y bendishon primo y bo kasa.... Claudette Raphaela Bonaire |
