| Exposicion special pa dia di prensa |
|
|
|
| Monday, 01 September 2008 - 00:02 | |||||||||||||||||||||||||
 Diabierna anochi, 29 di augustus, a tuma lugar na e galleria di Foundation INSIGHT for the Arts Aruba e apertura di e exposicion “E Lens di mi Wowonan” en conexion cu e celebracion di Dia di Prensa 2008. Presente na evento aki tabata miembronan di redacion, fotografonan y camarografonan di tur medio di prensa di Aruba, consistiendo di corant, radio y television. Click read more pa mas detaye y imagen!E exposicion unico aki ta un iniciativa di e fotografo bon conoci, Sr. Leo Vrolijk kende ya tin 32 aña den prensa na Aruba. E exposicion “E lens di mi Wowonan” ta encera e potretnan di prensa tanto durante nan trabao como e sucesonan di mas importante di e aña cu a pasa. E exposicion ta resultado di un proyecto colaborativo di e fotografonan di prensa Arubano kendenan tur a keda invita pa participa: Nelson ‘Speed’ Andrade (Diario), Tamara Beaujon (The News), Maria Berry (Diario), Famous Diaz (Awe Mainta), Marko Espinoza (Awe Mainta), Raul Henriquez (Amigoe), Rosalie Klein (The News), Aldrick Kock (Diario), Seever Krozendijk (Bon Dia Aruba), Maureen Laaf (Solo di Pueblo), Richard Lacle (awe24.com), Theo Lopez (Solo di Pueblo), Aldino Tromp (Bon Dia Aruba), Django Simoons (Diario), Margaret Wever (The News Hubert thiel(Diario) Farra boekhoud (solo di pueblo)(Baboe hoek (solo di pueblo) y Leo Vrolijk. E exposicion aki ta e promer exposicion di prensa despues di 18 aña na Aruba. Durante e ancochi di aperura tur participante a ricibi un certificado di aprecio for di man di Sra. Edna Farro, Presidente di RBTT Bank Aruba N.V., y Sra. Alida Martinez, Directora di Foundation INSIGHT for the Arts Aruba. E organisacion di e exposicion ta den man di Foundation INSIGHT kende tambe a considera e balor artistico di e potretnan y asina demonstrando e trabao importante cu prensa ta haci pa nos comunidad cu un bon calidad periodistico. RBTT Bank a sponsor e proyecto pa asina stimula desaroyo di prensa na Aruba. Tambe tin un folder educativo disponibel cu ta contene historia di fotografia di cua por uza pa les of pa un proyecto chikito cu preguntanan pa e muchanan contesta. Ya tin scolnan cu a demostra interes den e proyecto y pa ‘rondleiding’ pa scolnan por yama 568-9168. Henter pueblo di Aruba ta keda cordialmente invita pa bishita e exposicion. E exposicion ta wordo teni na e galeria di Foundation INSIGHT na Paradera Park 215. E exposicion lo ta habri pa publico for di dia 1 te cu 15 di September 2008 durante e siguiente oranan: di 9:30 am pa 12:30 pm y di 2:30 pa 5:00 pm. Entrada ta gratis y pa cita por yama 568-9168 pa ricibi guia of splicacion tanto individual como pa grupo y scolnan. RBTT Bank ta duna un gran pabien na prensa di Aruba riba “Dia di Prensa”, 1 di September 2008.
|
|||||||||||||||||||||||||
