Festival Plaza – Renaissance Festival Plaza a wordo transforma na cuminsamento di siman, ora cu operadornan y companianan local di turismo a presenta un Showcase di Actividad pa e participantenan di e Conferencia Anual de Turismo de Aruba, conoci como CATA.

Mientras cu Intermezzo Spa a ofrece mini-masashinan gratis, Carlos 'n Charlie's a parti su famoso nachos y quesadillas, y e bailarinanan di Let's go Latin! di Renaissance a invita bishitantenan pa wak nan bunita show na Crystal Theater.

Mientras cu e participantenan di CATA a bishita e diferente kiosconan y areanan, Francis Jacobs y su yiunan a provee e musica en bibo. Jacobs a hasta siña e bishitantenan Latino Americano con pa baila e cantica carnavalesco "Wok". Despues di a balia y disfruta, sigur nan a gusta e juice di coco refrescante, y nan mes por a wak con e coconan tabata wordo corta y prepara nan dilanti.

Esaki tabata un tremendo oportunidad pa e companianan local presenta nan productonan na e operadornan y prensa Latino, kendenan a keda hopi impresiona cu e kiosconan bunita decora.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment