|
Digicel a desayuna cu prensa di Aruba |
|
|
|
|
Tuesday, 02 September 2008 - 00:00 |
 “Eigenlijk tur dia lo mester ta dia di prensa, pero awe nos ta djis pone enfasis y reconoce e trabou duro cu Boso ta eherce tur dia”, asina Wanda Broeksema encarga cu maneho di mercadeo y promocion pa e area di Antiyas y Aruba pa Digicel a bisa ayera mainta. E compania di celular cu mas ta creciendo na Aruba, Antiyas, den Caribe y tambe den Centro America a organisa un desayuno cu prensa local den Mooligans Restaurant na Divi Links. “Nos a traha masha di serca cu prensa den e ultimo 5 añanan y nos por bisa orguyosamente cu semper prensa a trata nos husto”, di acuerdo cu Michelle Winklaar, gerente general di Digicel Aruba.
E ehecutivonan a sinta na mesa cu miembronan di prensa local pa
desayuna y combersa riba e trabou diario di prensa na Aruba. “Nos sa cu
asina cu e dia cuminsa, cu Boso ta bira masha druk.....ta pesey nos a
dicidi pa invita Boso trempan mainta pa nos ta e prome nan pa celebra e
gran dia aki cu Boso”, Wanda Broeksema a pasa bisa na cada mesa
ayeramainta. Digicel a bisa di ta masha orguyoso di e hecho cu mayoria
miembro di prensa ta cliente di Digicel y mayoria tabata cliente for di
e prome dia caba te cu awe. Claro cu, specialmente pa miembronan di
prensa, comunicacion ta parti escencial di nan trabou y den esaki
Digicel ta contento cu nan a deposita nan confianza den Digicel. Di
parti di prensa nan a keda masha agradeci pa e gesto y na final Digicel
a percura pa cada miembro di prensa a ricibi un regalito di nan
compania di celular preferi!
| Comments () >> |
 |
 |
“Eigenlijk tur dia lo mester ta dia di prensa, pero awe nos ta djis pone enfasis y reconoce e trabou duro cu Boso ta eherce tur dia”, asina Wanda Broeksema encarga cu maneho di mercadeo y promocion pa e area di Antiyas y Aruba pa Digicel a bisa ayera mainta. E compania di celular cu mas ta creciendo na Aruba, Antiyas, den Caribe y tambe den Centro America a organisa un desayuno cu prensa local den Mooligans Restaurant na Divi Links. “Nos a traha masha di serca cu prensa den e ultimo 5 añanan y nos por bisa orguyosamente cu semper prensa a trata nos husto”, di acuerdo cu Michelle Winklaar, gerente general di Digicel Aruba. 
