| Tierra del Sol a Ricibi un Rating Spectacular |
|
|
|
| Tuesday, 02 September 2008 - 00:00 | |||||
 Tierra del Sol a caba di wordo premia cu un rating di 4 1/2 streya den e edicion di 2008-09 di Golf Digest su "Miho Luganan pa Hunga," cual e aña aki a evalua casi 6,000 cancha di golf na Merca y na Caribe."E cancha a wordo evalua pa mas o menos 20,000 lector di Golf Digest riba un escala di cinco punto," tabata e splicacion di e profesional principal di Tierra del Sol golf course, Oliver Riding, kende tabata super contento cu e noticia.
"E honornan," segun palabranan di Director Gerente Ann Brown, "ta wordo comparti entre nos profesional principal y e cancha su superintendent Arubiano incansabel, Haime Maduro." Na final di e encuesta di rating, algun di e comentarionan cu a wordo haci pa esnan cu a evalua e cancha pa Golf Digest a inclui: "Ta dificil pa no tin un experiencia increibel cu bistanan asina bunita." Un otro hungador di golf a bisa: "E ta un combinacion spectacular di desierto y lama," mientras cu un di tres a vocifera loke hopi a pensa: "E ta rank hopi halto, como un di mi preferinan." E rating di 4 ½ streya, segun Riding, ta un tremendo logro pa Aruba y e diseño di Robert Trent Jones II, cual ta conta riba 1,800m3 di awa desalinea, y un ekipo di 12 empleado di mantencion dedica pa cuida diariamente su 110 acre di yerba, cu 6,811 yarda di golf. Cu solamente un cancha di golf di 5 streya na Caribe, Riding y Maduro tin confianza cu nan di 5 streya ta na caminda, cu speranza pa otro aña. Tierra del Sol, Aruba Resort, Country Club & Spa a habri na 1995, ofreciendo 18 buraco di golf, riba un cancha di resort diseña pa Robert Trent Jones Jr. E cancha di estilo di desierto ta conta cu bistanan increibel di Aruba su costa, e duinen y California lighthouse. Mientras cu e prijsnan averahe pa hunga ta mas o menos $150, tarifanan reduci ta obtenibel den siman y na twilight, tambe pa juniors y seniors. E cancha ta acepta reservacionnan di tee time 365 dia di antemano, y ta habri henter aña, di januari pa december. Tierra del Sol ta ofrece autonan di golf, y no ta ofrece un opcion di canamento. Riding y Maduro ta raporta cu e fairway turf ta consisti di Bermuda Grass y cu un area di yerba pa entrena tambe ta presente. E cancha, nan ta agrega, ta conta cu mas di 100 bunker y miho cu tur cos, e facilidad ta inclui un restaurant gourmet di servicio completo den e club house, conoci como Ventanas del Mar, y un grill y bar casual na e elevacion mas halto, esta e Look Out Bar & Grill, cual ta cara pa Palm Beach y e hotelnan grandi. Maduro, kende a traha riba e cancha desde su dia di apertura, y kende a planta cada blachi di yerba riba e berde, ta orguyoso di "su baby" y ta credita tur logro na su ekipo pa nan consistencia y gran atencion na detaye. Riding, kende siman pasa a yuda organiza e exitoso Aruba Pro Am den su di 14 edicion, tambe ta duna credito na su ekipo, complementa pa e profesionalnan di golf, Heath Henrich, y Adam Williamson. E rating, segun splicacion di e website di Golf Digest, ta nifica cu Tierra del Sol ta perfectamente posiciona entre e cuater streya, cual ta "golf excelente, suficiente bon pa planea e siguiente vakantie rond di dje," y cinco streya, cual ta "Super. Golf na su maximo absoluto. Paga cualkier suma pa hunga por lo menos un biaha den bo bida."
Asfs..
said:
|
|||||
 |
PABIEN Aruba!!! |
