|
careda di Wendy’s dia 20 di mei |
|
|
|
|
Monday, 14 May 2007 - 12:46 |
Dia 20 di Mei ta tuma lugar e popular careda di Wendy’s 5th Kids One Mile Run & 5 Km Run/Walk pa adulto.
Abbott Laboratories lo pone premio special pa e promer dama y cabayero cu subi Palisiaweg y crusa e linea riba e top di Palisiaweg, cu ta na un distancia di 2 km for di e start
. Esaki ta un iniciativa pa asina stimula coredornan di Aruba pa hasi nan maximo pa mehora nan temponan. 5th Wendy’s Kids 1 Mile & 5K Run/Walk ta tuma lugar dia 20 di Mei, 2007. IDEFRE un biaha mas ta yuda Brazil Taekwondo organisa e careda mas grandi pariba di brug .
Esnan cu inscribi tempran ta sigura nan tradicional T-shirt di e careda cortesia di Caribbean Drip Irrigation. Tur esnan cu ta inscribi pa competencia mester hasi esaki promer cu dia 20 di mei. E ultimo dia cu por inscribi AWG 5,00 ta dia 19 di mei na Wendy’s Cura Cabai te 4:00pm.
E RUTA DI E KIDS 1 MILE TA:
E “Kids One Mile” ta cuminsa 4:30or di atardi dilanti di Wendy’s na Cura Cabai, direccion zuid pa Zeewijk direccion Cura Cabai te na un punto di retorno bek pa Wendy’s unda e careda ta termina. Pa 5:30pm ta cuminsa cu e Wendy’s 5K Run & Walk cu ta sali 5:30 pm for di Wendy’s Cura Cabai y tambe ta termina dilanti di Wendy’s.
RUTA DI E WENDY’S 5KM RUN / WALK TA:
Tta sali 5:30 pm for di Wendy’s Cura Cabai direccion panord riba e caminda di Brazil te na crusada-T bira na man drechi subi Caya Jose Geerman (Congoweg) direccion Oeste te Johnson’s Supermarket, bira na man robes riba e subida di Palisiaweg te na fin di e caya, bira na man robes subi e caminda di Seroe Blanco direccion pabou te na e Misa Cristo Rey di Brazil direccion zuid te na e crusada T na e borchinan di Lotto bira na man robes riba caminda principal (cu lo ta sera pa trafico) direccion Wendy’s unda e careda ta termina. Pa mas informacion yama Tel. 582-4987 puntra pa Willy
Related Items:
| Comments () >> |
 |
 |
