|
E pintor Arubano Joannis Donati |
|
|
|
|
Tuesday, 15 May 2007 - 07:14 |
|
Bubu, manera e ta ser yama, a nace na Santa Cruz riba 14 di mei 1931. E diferente periodo artistico di Donati ta inclui pintura surrealista, semi surrealista, abstracto, historico y paisahismo di Aruba y Europa. Su trabownan ta hala hopi atencion di coleccionista na varios pais di Europa y tambe na Merca.
Na Europa su obranan ta ser exhibi na diferente ciudad regularmente. Ultimo trabao comisiona di Donati ta door di gobierno cu e pintura "Boca Prins" pa e prins heredero Willem-Alexander.
Su ultimo exposicion na Aruba a tuma lugar na Instituto di Cultura na juli 2005. Pa e exposicion aki Bubu a escohe 2 di su pinturanan special pe, cual ta : "Payaro di Lus" y " Un Pida di Mi Tera" esakinan a wordo husa pa e front page di su catalogue. 2 obranan importante cu ta marca 2 diferente periodo importante di e maestro: "Un Pida di mi Tera" E paisahe cu tur e ingrediente cultural aserka ta refleha e inmenso amor y orguyo cu e artsita ta sinti pa su tera, sentimiento cu e ta disemina durante su giranan na Europa. "Payaro di Lus" ta e recuerdo cu e maestro a mantene den e obra importante aki di ora e la biba na San Nicolaas durante su juventud. Mainta tempran prome cu solo sali completo, ora di bai skol e ta mira e payaronan hasiendo movimientonan raro den aire manera bringando cabez abao mientras cu tras di e show aki e reflejo di e flamnan di e rafinaderia ta refleha un color cora y cu ta cubri tur cos cu coloranan surealistico. Un di e poco abstacto di e maestro Donati cual tin un particularidad especial pa e coleccionista afina. Tur 2 obranan aki y di mas artistanan local por wordo admira y studia den e sala di exposicion di Oranjestad Kunsthuis. E exposicion ta habri di dialuna pa diabierna di 11:00 pa 7:00 pm. Of cu afspraak na 563-4574. Entrada ta gratis pa publico en general.
| Comments () >> |
 |
 |
