| Exhibicion Art & Nature di pinturanan |
|
|
|
| Monday, 15 September 2008 - 00:00 | |
 Dia 26 di September proximo,
lo bai tin apertura di e exhibicion di pinturanan di personanan
cu a sigui les di pintamento y verf serca Rosanna Koelewijn-Tromp. E exhibicion aki a bira posibel door
di sosten di Unoca, El Louvre/Witec, Ultimate Automobiles, De Wit &
Van Dorp Stores y Aruba Digital Systems. Un grupo di 21 persona, di cual
16 mucha y 5 adulto, a sigui 1 pa 2 anja les serca Rosanna.
Nan a hanja les den aquarel, pastel, acrylic y houtskool. Click read more pa mas detayes.E muchanan ta: Julio y Maria Acosta, Jose y Tamae Bastien, Oriana y Ricardo Carillo, Catherine Carraha, Naomi Croes, Xiqu Croes, Samantha y Veronique van Eerden, Melissa Hart, Jacob Koelewijn, Caleb Melendez, Jamilene Ridderstaat, Taliza Rock. E adultonan ta: Epi Koster, Latifa Mercera, Diana Peterson y Dalila Wong Fat. E thema ta naturalesa,pero tin algun pinturanan tambe di un otro topico. Un coleccion di no menos di 100 obra, gran parti realistico, pinta riba canvas y papel, colorido y jen di bida, bo por bin admira desde 26 di September te cu 1 di October den Cas di Cultura. Rosanna Koelewijn-Tromp a sigui curso di pintamento y verf na Hulanda y Aruba. E la participa na algun exhibicion di pinturanan cu grupo. Su ultimo exhibicion di su pinturanan tawata na 2006, conhunto cu otro miembronan di su famia na Instituto di Cultura. Dentro di poco e ta bai tin exhibicion di su pinturanan atrobe cu su famia, na November, den Cas di Cultura. Su pinturanan bo por wak riba website di su mes: www.arubanart.com E exhibicion Art & Nature lo ta habri diasabra y diadomingo di 2or te cu 8or di anochi y den siman di 8or di mainta pa 8or di anochi. Durante e exhibicion ta bai tin algun workshop di pintamento y verf tambe pa algun grupo di alumnonan di skol basico. Pa mas informacion bo por contact Rosanna riba 5831083 of 5635284 of e-mail This e-mail address is being protected from spam bots, you need JavaScript enabled to view it |
