|
Apertura di Business Forum na Renaissance |
|
|
|
|
Wednesday, 24 September 2008 - 01:00 |
 Diamars mainta
den un sala completamente yen a tuma lugar den Renaissance Conference Center
apertura di e IX Business Forum of the Greater Caribbean. E foro
aki mescos cu esnan anterior ta uno caminda participantenan for di henter
e region di Caribe ta invita pa tanto intercambia di informacion y contactonan
como tambe estrecha e relacionnan comercial. E expectativa ta cu e efectonan
riba termino largo di e interaccionnan aki y e posibel transacionnan
comercial lo yuda elimina obstaculonan pa haci negoshi y cual siguramente
lo conduci na un mihor integracion regional. Click read more pa mas detaye y imagen.
Durante e mainta aki tabata
tin discursonan di Minister President sr. Nelson Oduber, kende a haci
e apertura oficial, Minister di Finanzas y Economia, sr. Nilo Swaen,
Secretario General di e Asosacion di Estadonan Caribense, sr. Luis Fernando
Andrade Falla, Presidente di Camara di Comercio di Aruba, sr. Edwin
Roos y Presidente di Meta Corp., sr. Eduardo de Veer.
Minister President di Antiyas
Hulandes, sra. Emily de Jongh-Elhage tambe tabata presente na e foro
interesante aki.
Sin duda algun cu tur e participantenan
for di mayoria pais den Caribe a keda sumamente impresiona pa e nivel
halto di tur e discursonan aki y cual siguramente lo ta parti di e exito
di e IX Business Forum of the Greater Caribbean.
| Comments () >> |
 |
 |
