|
Benjamin Security na Expo Internacional |
|
|
|
|
Thursday, 25 September 2008 - 00:00 |
 E compania di seguridad di Benjamin Security
Services ta asistiendo un EXPO Security Show (ASIS) di mas grandi na
mundo cual ta tumando lugar na Atlanta USA den e siman aki. E compania
ta worde representa pa su director Sr. Benjamin Francees hunto cu Sr.
Rivelino Barret cu ta Operation Manager na Aruba. Durante e show aki
tin diferente aspectonan nobo pa cu seguridad, inovacionnan den tur
area. Den e area technologico varios manifacturadornan di sistema di
camera ta sumamente activo y ta desaroya equiponan basta sofestica y
tur cos ta birando di tamayo mas chikito. Via sistemanan di camera via
internet un usuario, e porta un comerciante, station di polis, hotel,
por hanja diferente imagen di diferente locacion riba un solo pantaya
di informacion sin tin mester di core bai na tur locacion gastando tempo
y gasoline, asina ta hasi hopi mas eficiente pa controla y vigila.
Alarmanan
pa cas cu e sistemanan wireless ta tumando control completo den e modernismo
aki. Riba e tereno di Alarm Monitoring companianan cu ta desaroya softwarenan
pa manega tur tipo di signalnan di alarma tambe a crece, awendia tur
reporte nan e cliente lo por risibi nan via email di henter e luna sin
cu e operator mester procese, awor ta hopi mas facil y via email, donjo
nan di companianan cu ta riba e central lo por hanja su reportnan di
open close masha facil y constante. Y e central automitisa por hasi
mucho mas cosnan den e sistema nobo aki. Benjamin Security cu ta un compania
cu ta monitor alarmanan na tres diferente isla cu ta Aruba, Bonaire
y Curacao ta actualisa den e sistema aki.
Awendia e criminalidad ta
aumentando y ta sumamente importante pa nos hendenan ta conciente di
tur e riesgonan cu tin y BSS lo por consega con pa minimalisa tur y
hasi nos pais mas safe. Concentrando riba e desaroyo nobo aki, unda
cu e criminalidad ta  aumentando, Benjamin Security a opta pa bai den
e juventud y ta invertiendo den e deporte di baseball y otronan, judando
asina tambe y trata na educa mas hoben pa keda leeuw di mal vicionan,
droga, alcohol y gang. E ta sumamente importante pa tur hende uni pa
traha hunto y asina contra-aresta e mal tendencia ultimamente. Benjamin
Security ta keda inova y sigi desaroya pa futuro.
| Comments () >> |
 |
 |
