Recientemente, tawata e apertura di e exhibicion di pintura Art & Nature. Un exhibicion di un 100 obra crea door di cursistanan di Rosanna Koelewijn-Tromp. Señora Joan Hart di Cas di Cultura a habri e parti di ceremonia cu un bon bini na tur presente y cu palabra di elogio pa e cursistanan cu nan 100 obranan crea y pa Rosanna Koelewijn-Tromp su trabow pa a realisa e exhibicion aki. Sigui pa Rosanna Koelewijn-Tromp kende a haci mencion di e motivacion y dedicacion importante pa pinta y verf cu e cursistanan tawata tin y e honor cu e tawata tin pa guia nan. Click read more pa mas detayes y algun imagen di exhibicion.

Sigui pa señora Nilda Koolman, Presidente di Unoca. Señora Nilda Koolman a enfoca riba cuido di nos naturalesa, referiendo asina na e thema di e exhibicion cual ta naturalesa. Tambe e la enfoca riba e importancia di eherce un arte mane esun di pintamento y verf. Si mayornan por encurasha nan jiunan den desarojo di arte y cultura e general.Cu Unoca ta sigui sostene y stimula projecto di arte manera e exhibicion aki y di cultura en general, pa trece mas den comunidad. Pesei Unoca a sostene tambe workshop di pintamento y verf cu lo wordo duna na grupo di muchanan durante e exhibicion aki.

Samantha van Eerden y Julio Acosta, dos di e participantenan mas jong, a habri e porta di e sala, pa asina e exhibicion wordo habri oficialmente.

Tawata un anochi inolvidable. E interes pa e pinturanan di e participantenan tawata impresionante.

Ta gradici un bes mas Unoca, Ultimate Automobiles, De Wit & Van Dorp Stores, El Louvre/Witec, Aruba Digital Systems, tur e participantenan, tur mayornan, tur hende cu a hasi e exhibicion aki posible.

E exhibicion ta habri te cu diarason 1 di October 2008, di 8or di mainta te cu 8or di anochi na Cas di Cultura. Pa mas informacion por jama Rosanna riba 5635284 of e-mail This e-mail address is being protected from spam bots, you need JavaScript enabled to view it .

Comments (1) >>

Show/Hide comments

Diana Peterson said:

Un danki na tur cu a acudi na e exposicion y tambe un danki enorme na sra. Rosanna pa e pasenshi y su esfuerso pa a hasi esaki possibel. Danki di curason. Diana.

September 30, 2008

Write comment

Show/Hide comment form

Name

Email

Comment

Add Comment