| Savaneta y vecindario a ricibi e bus di Setar |
|
|
|
| Tuesday, 30 September 2008 - 00:00 | ||||||||||||||||
|
Manera ta conoci SETAR ta full den e celebración di 5 aña como compania NV y den e ya popular campaña SETAR Di Bo Tambe! Un di e aspectonan cu a haya hopi acogida ta cu tur luna e bus SETAR di Bo Tambe! ta yega e casnan ganador cu cantamento di e slogan di SETAR DI BO TAMBE! y ta reparti un variedad grandi di premionan hopi atractivo. Clientenan di e bario di Savaneta y Pos Chiquito a pone e sticker di SETAR na un lugar visible na nan cas y e ganadornan cu tabata na cas diadomingo a habri portanan pa esnan di SETAR pa asina nan por ricibi premionan cu hopi alegria. E radio emisora Radio Bo Guia FM bou di liderazgo di Mimi Koolman a percura pa e oyentenan sigui tur locaul tabata pasando cu hopi divertision y entretenimento. Un pabien ta bai pa e bario di Savaneta y Pos Chiquito y special na e ganadornan di diadomingo ultimo: Sr. Famia de Cuba: cu a gana un BlackBerry 3G phone cu un aña di abonement gratis, Sr.Alfonso Pirella y Sra Filomena Winterdaal tur dos a gana cada un pa un aña largo e suma di Awg 75,= pa luna na yamadanan gratis, Sr. Curiel cu a gana un abonement di DSL di Awg 99,= pa luna pa un aña largo, Sra. Yolanda Tromp y Sra. Mariza van Alen cu a ricibi pa un aña largo e suma di Awg 50,= di descuento riba cada un nan cuenta di telefon, cellular of dsl., Sra. Felicia Wernet a gana un telefon Zing y ademas Awg 300,= na yamadanan prepaid gratis., Sr. Rolando Michel de Cuba cu a gana pa un aña largo un abonement na valor di Awg 95,= tur luna y ademas un telefon cellular., Gilbert Maduro-Hernandes y famia a gana pa un aña largo un abonement di DSL na valor di Awg. 99,= abonement pa luna plus un abonement di LiveCam na valor di Awg 35,= pa luna gratis y finalmente sra. Bregilia Geerman Maduro cu a gana un telefon cellular.
SETAR ta pasa tur fin di luna te cu fin di aña den un districto na Aruba cu hopi premionan manera Yamadanan Gratis, celularnan, Wireless Broadband, DSL etc. Tur cliente di SETAR sea di telefon fiho como celular a ricibi den nan cobranza stickernan cu nan por pone riba nan cas na un caminda visto cu por mira di leu y asina participa pa gana na momento cu SETAR drenta e bario. Tambe por pone e sticker riba bo auto y participa pa gana premionan atractivo. Pa e clientenan cu no a ricibi un sticker por pasa cualkier Teleshop y busca nan sticker pa nan tambe por participa. Tur luna lo anuncia e ganadornan di e sorteo di Sticker riba e autonan na Aruba na unda nan ta gana premionan di SETAR. Fin di luna di October 2008 e bus di SETAR Di BO TAMBE! lo pasa reparti premio un biaha mas den otro bario di Aruba. Si e bus no a pasa den bo bario ainda, keda alerta pa e bishita agradable aki. Si e bus a pasa caba den un bario, ainda e habitantenan tin chens di gana den un sorteo pa fin di aña den cual tur e barionan lo participa y pa e motibo aki por laga e sticker geplak te cu e final di e campaña cu ta december 2008.
Riba
e foto por mira e ganadornan di Savaneta, Pos Chikito y becindario na
momento cu e bus a bishita nan cas y cu e representantenen di SETAR
ta otorga nan premio. Un pabien ta bai pa tur e ganadornan fiel
clientennan di SETAR.
Savaneta family
said:
|
||||||||||||||||
 |
Biba setar, savaneta i vecindario ta contento. Hopi famia a keda contento cu nan premio nan. NOS TA SETAR NOS TA DIBO, setar ta number uno di Aruba. Un tin nada pa kibre! |
scorpio 1311
said:
|
MI NO A GANA?AI NO ANTO MA PONE E STICKER RIBA BENTANA PROME CU MA BIN BEK HULANDA,JA, TOG MI NO TIN NADA NA DJE,PASO MI TWT CU VAKANTIE TOG.PABIEN TUR HENDE DI SAVANETA CU POS-CHIQUITO,BOSO MERECE E PREMIO.AT LEAST SETAR A CORDA RIBA BOSO,LOKE BO NO POR BISA DI OTRO INSTANCIA. |
