24ora.com - Your news provider - Weganan di special olympics ta cuminsa

Latest Photo Ads
4 RIEM aluminuim 15' Auto Segunda Mano (04.01.2009) Yamaha XLT 1200 (200 Ta Bende Boto (02.01.2009) LG KP100 Electronics (30.12.2008) Brand new store fixt General (28.12.2008) Toyota Corolla type- Auto Segunda Mano (24.12.2008)

Weganan di special olympics ta cuminsa

Tuesday, 07 October 2008 - 00:00

Diabierna awor e weganan nacional di Special Olympics Aruba ta inicia. Como invitadonan a bini e ekipo di Special Olympics di Irlanda y den siman lo yega esnan di Boneiro tambe. Ayera durante un conferencia di prensa den Mulligan”s Restaurant na Divi Links a informa comunidad cu durante e dianan aki lo tin weganan amistoso di golf, bishita na nos paisahenan turistico como tambe bishita na e facilidadnan di Aruba Aloe. Diabierna dia 10 di october e weganan lo inicia pa 10or di mainta den Centro Deportivo Betico Croes. E apertura mes lo tuma lugar diabierna atardi 5:30PM na Stadion Frans Figaroa, na unda e desfile ta priminti di bira algo masha grandi.

Asina lo sigui diabierna anochi, diasabra henter dia mientras cu diadomingo atardi 5or lo tuma lugar e clausura di e weganan nacional na Papaya Ranch. Ta pidi pueblo pa bin sostene nos ekipo nacional den e weganan aki. Pa mayornan tambe ta importante pa no baha e muchanan na wega, sino pa bin apoyanan tambe y asina mustra nan cu nos tur ta sostene nan. Gerente General di Digicel Aruba, Sra. Michelle Winklaar a bisa cu pa nan compania tabata y ta semper un placer pa sostene Special Olympics. Esaki tabata e prome sponsorship cu Digicel Aruba a haci hasta prome cu nan a lanza nan servicionan den forma oficial na Aruba. E ta corda ainda cu e prome sponsorship tabata precisamente pa nos ekipo nacional por a bay hunga na e weganan olympico na Irlanda. Awe ta cu placer nos ta ricibi e mesun ekipo Irlandes aki cu asina bon a trata nos muchanan 5 aña pasa. E lema di e weganan aki ta “Lagami gana y si no por gana, lagami ta balente den mi intento.”

Comments (1) >>

Show/Hide comments toggle

kadushi said:

Pabien Tuyo Werleman. Abo y bo staff ta haciendo un gran trabau pa Aruba. Mi sa cu Lotto ni Setar no ta sponsor e deporte pa e muchanan handicap, pesey pabien Diigicel. Si Irlandia a bula 24 ora den avion pa participa den e weganan ana Aruba, kier Special Olympics Aruba, a haci impresion grandi riba nan.
Foei Lotto foei Setar.

October 08, 2008

Write comment

Show/Hide comment form toggle