| 25th Fire Prevention 10-K Run |
|
|
|
| Wednesday, 08 October 2008 - 00:00 | ||||||||||||||
 Despues di registra y “warm up” na Brandweer Kazerne Tanki Flip, e atletanan tabata cla pa start e 25th Fire Prevention 10-K Run. E careda y caminata a start sali 5’or y 10 minuut for di caminda grandi di Ponton, net dilanti e rotonde di Tanki Flip.Brandweer,
IDEFRE y Polis a percura pa e careda 10 kilometer y caminata di 5
kilometer pasa den e diferente cayanan riba e ruta.
Riba
e ruta personal di Brandweer a percura pa awa y douche pa refresca e
coredor y canadornan, mientras IDEFRE tabata controla riba ruta y na e
“finish line”, esta e parti tecnico di e careda.
E “Overall winners” di e 25th Fire Prevention 10-K Run ta: · Ronald Staring, Run Cabayero (36:01) · Shariska Dirksz, Run Dama (44:46) · Juan Tromp, Walk Cabayero (1:02:19) · Rohna Steward, Walk Dama (1:10:08) Ronald Staring a finalisa e careda na prome lugar cu un tempo di 36:01. Na di 2 lugar a keda Alexander Robert (41:19). Lucien Dirksz (41:43) a bai cu e tercer premio den categoria 10-K Run Overall. Algun minuut despues cu Ronald Staring a drenta, e siguiente coredornan a drenta uno tras di otro. Tabata tin hopi coredor den competencia fuerte, cu “pace” entre 4:08 y 5:59, kendenan a haci di e careda 25th Fire Prevention 10-K Run diadomingo ultimo, uno sumamente competitivo. Competencia tabata fuerte durante ful e careda. E prome dama cu a pasa e finish line ta Shariska Dirksz (44:46). Lizayra Ponson ta e di 2 dama kende tin un tempo di 47:32. E di 3 dama cu a crusa e liña di finish ta Veronica Posner (49:57). Normalmente ta reparti trofeo pa e prome 5 ganadornan den categoria Walk Cabayero y prome 5 ganadornan den categoria Walk Dama. Sinembargo esaki tabata diferente pa e 25th Fire Prevention 10-K Run. A reparti trofeo den categoria Run Cabayero 10-K, Run Dama 10-K, Walk Cabayero 10-K, Walk Dama 10-K pa e prome 3 atletanan cu a pasa e liña final y cu a cualifica. Cada categoria tabata dividi den diferente subcategoria, esta pa grupo di edad. Tambe e “Overall Winners” a ricibi un trofeo. IDEFRE ta felicita tur ganador y ta jama danki na tur participante, tur boluntario y motorbrigade di Polis.
Sinclair Thiel
said:
|
||||||||||||||
 |
Normalmente ta reparti trofeo pa e prome 5 ganadornan den categoria Walk Cabayero y prome 5 ganadornan den categoria Walk Dama. Esaki ta conta solamente pa funrun di 5km so, dor cu manera e titulo ta bisa for the fun, bo ta paga solamente Af5,= pa participa. Pa e caredadi 10km semper ta tin premio den e differente categoria nan cu ta 3 premio pa cada categoria. aki pa participa ta af 15,= y ta pesey tambe tin mas premio pa cada categoria Ta bin atletanan for di pafor pa participa tambe P.e e careda di tur anja di 30 april dia di La Reina |
