| Trainingskamp IBK 2008 Emmen |
|
|
|
| Friday, 10 October 2008 - 00:00 | |||||||||||||||||||||||||
 Un tiki di nos skol: Nos mes ta originalmente di Budokai Savaneta. Awor nos a
habri un di dos skol na Juliana School pa muchanan di pabow di brug. Hopi di nos
cu ta faha halto ta bin di e skol cu ta pariba esta Savaneta. I nos ta bin
Juliana School pa juda engrandece e skol pabow tambe. Nos dianan di training ta
diamars i diabierne na Juliana School di 19.00 - 20.30 i diaranzon na Savaneta
mesun ora tambe. Riba diahueps nos ta train na Savaneta riba e punching-bags di
17:30 pa 19:00 i despues di 19:00 pa 20:00 nos ta den gym na e compleho di Roly
Bisslik na Savaneta.
Henter anja nos ta activo pa recauda fondo pa nos mes. Durante di carnaval nos sa tin stands durante Calypso Contest bendiendo bebida i tambe riba ruta di carnaval banda di ruta. Den temporada di pasco nos tin nos acostumbrado soup-a-thon na Commandeurs cu plato navideño i diferente sopi:hopi bon bendí. I tambe anja pasa nos ta tin nos promer duo walk cu tawata exitoso. E anja aki pa motibo di viahenan den exterior nos no por a make it.
Nos ta practicá e arte di "KyokushinKai Karate". Nos ta afilia na e organisacion
mundialmente reconocí cu ta IBK: International Budokai kan. Diferente di nos
karatecanan di nos skol ta aparece riba e ranking mundial di black belt. Pa sa
mas over di e organisacion check www.ibk.nl. Aworaki mes riba invitacion di nos organisacion
IBK nos ta viahando pa hulanda cu un delegacion di cinco persona consistiendo di
nos sensei ( instructor ) 4th Dan black belt Francis Limonier, 1st Dan black
belt Mayaram Budhu, 1st Kyu brown belt Melvin Dabian, 4th Kyu green belt Yamira
Gonzalez-Chiquito, 5th Kyu yellow belt Raquel Oduber pa un trainingskamp cu lo
tuma lugar dianan 17, 18 i 19 di oktober 2008 na Emmen. Aki diferente paisnan
den Europa lo ta presente tambe. I lo tin oportunidad tambe pa bo por pasa
examen di e faha preto i mas halto. E karatecanan mencioná aki riba Mayaram
Budhu i Melvin Dabian lo ta haciendo uzo di e oportunidad aki pa por pasa e
examen. Pa e damasnan Yamira Gonzalez-Chiquito i Raquel Oduber e trainingskamp
aki lo ta un preparacion pa e "Campeonato Latino-Americano" cu lo tuma lugar dia
29 di november 2008 venidero na Chile. Nan lo ta participando hunto cu otro dos
karatecanan na e campeonato aki representando Aruba. Manera boso por wak nos ta
basta activo. Nos ta deseá e karatecanan cu ta viahando pa hulanda tur clase di
exito. Importante ta cu Aruba su nomber ta wordo trecí den un publicidad
positivo.
|
|||||||||||||||||||||||||
