SETAR e compania number 1 den Telecommunicacion na Aruba a introduci 4 pakete nobo di Wireless Broadband y a redobla nan speed. Wireless Broadband ta forma parti di e famia di 3G, cual ta un di e tecnologianan mas nobo riba e mercado mundial di telecomunicacion y SETAR tin e na Aruba. Wireless Broadband ta lagabo subi internet via bo laptop, celular of PDA sin cu tin mester di un conneccion di waya. E speed di Wireless Broadband ta comparabel cu esun di DSL. Click read more.

Recientemente Roxana Ras representante di Mercadeo a splica mas tocante e paketenan di Wireless Broadband. “SETAR ta celebrando su 5 aña como un compania NV y ta treciendo paketenan atractivo unda cu tur cliente por gosa di dje. Wireless Broadband ta un servicio di SETAR hopi inovador, cu ta duna accesso di Internet wireless via laptop unda cu e cliente por ta na Aruba. Loke cu e cliente mester ta un 3G USB modem y e 3G Data SIM Card di SETAR. Nos a introduci paketenan hopi atractivo cu ta cuminsa caba di Afl. 59,- pa luna y cu tin un download speed di 1MB mas un limite di 500 MB. Pa e luna di oktober ora di sera un contract pa e pakete aki e cliente ta ricibi e 3G USB modem pa Afl. 99,00 plus e 3G Data SIM y activacion gratis. Tambe nos tin paketenan di Afl. 99,- cu tin e mesun download speed, pero cu limite di data di te cu 2.5 GB. Pa e paketanan di Afl. 129,- y Afl. 159,- nos a subi e download speed pa 3.6 MB y e pakete di Afl. 129,- tin un limite di 5 GB y esun di 159,- ta un pakete sin limite. Cu tur e 3 ultimo paketenan aki SETAR ta regala durante e luna aki e 3G USB modem, 3G Data SIM y activacion gratis. Asina ta cu nos a introduci 4 pakete nobo di Wireless Broadband unda cu cliente por scohe esun cu ta pas mas cu su estilo di bida. Internet a bira algo indespensabel pa e comunidad di Aruba y cu e Wireless Broadband di SETAR ta posibel pa tin acceso na Internet unda cu ta na Aruba.”

Roxana a splica tambe cu awendia ningun hende no por imagina nan mes mas sin Internet y speed ta hunga un rol grandi den e mundo di Internet. SETAR ta conciente di esaki y pa e motibo aki tambe nos a redobla e speed di Wireless Broadband. Awor cu e ultimo 2 paketenan di Wireless Broadband cu SETAR a caba di introduci, e cliente por surf riba Internet cu un speed halto di 3.6 MB. Esaki ta hasi cu bo por mira e paginanan online hopi mas liher y bo por download y usa bo aplicacion di internet hopi mas efectivo.

“Pa nos ta importante pa ofrece nos clientenan lo mehor den calidad y servicio y pa e motibo aki tambe nos a redobla e speed di Wireless Broadband. E compromiso cu SETAR tin ta  pa trece lo ultimo cu tin riba e mercado di telecomunicacion y nos kier facilita tur nos clientenan cu tur e maneranan ultra moderno aki di comunica cu otro. 3G di SETAR ta e servicio mas avansa di celular na Aruba y tin cobertura completo, cual ta hasi posibel cu bo por disfruta di internet den tur skina di Aruba. Wireless Broadband ta obtenibel na tur nos Teleshopnan, cual ta habri diasabra tambe pa buska un di e paketenan cu ta combini bo persona mas.” Asina Roxana Ras a termina bisando.

Comments (3) >>

Show/Hide comments

PINK PANTER said:

Alexander Bell a imbenta Telefoon hopi siglo pasa y TELEFOON ta supose ta casi regala pero aki na Aruba ta parse cu cada dia eta bira mas costoso! Y asina nan ta yame Setar dibo tambe? masha nan ta yuda pueblo!!!!al contrario nan ta habraca bo cartera. ladronicia den dia cla pero tambe servicio ta pesimo messagenan ta drenta oras atrasa! esaki bo ta yama speed?Nan kier regala e pueblo regaldo valioso anto nan mester regala un ana telefoon gratis tambe ora ta pidi lista di yamada no mester cobra esaki ya cu suficiente cliente ta paga caba pa tel esaki ta su derecho pa obtene e lista aki hunto cu su recibo di tur luna.

October 11, 2008

Buchi Juan said:

1000 punto pa Pink Panter.

October 11, 2008

Studiante said:

Si bo kier reaciona riba technologia nobo, miho bo studia prome, pabo sa kiko 3G kiermen, e no ta gewoon un telefon, si bo kier gewoon un telefon pa yama hende cumpra un menos avansa, pero si bo kier djis keha di prijs, bai lesa prome kiko e servicio tin aden, anto wak ki tecnhologia e ta, prome bo duna keha over di telefon, anto alexander bell a inventa telefon di cas, nada di wireless, bai hasi bo research prome bo comenta coi loco

October 30, 2008

Write comment

Show/Hide comment form

Name

Email

Comment

Add Comment