Ken ta bay cu e titulo di Campeon Nacional di Road Bike di Aruba pa loke ta Time Trial y Circuito, lo keda dicidi e fin di siman aki, diasabra y diadomingo 18 y 19 di october. Recientemente ARUBA WIELER BOND (AWB)a publica tanto e programa como regulacion di e caredanan proximo, cual ta inclui ciclista den tur categoria, incluso Elite A (19 +, naci na 1989 of prome), Elite B (19+), Juniors (17 – 18, naci entre 1990 y 1991), pre-juniors (15 – 16, naci entre 1992 y 1993), Womens (19+), Submasters (36 – 44, naci entre 1964 y 1972) y Masters (45 +, naci na 1963 of prome).

RUTA PA TIME TRIAL:

E evento di Time Trail ta tuma luga na Eagle, Diasabra 18 di october 2008, pa 7:30 a.m. (cu categorianan Elite A y Elite) y 8:45 am lo start cu otro categorianan. E circuito di 5 kilometer cada buelta. Ta sali dilanti di La Quinta Beach Resort direccion pa Costa Linda. Net prome cu Costa Linda ta haci un u-turn y bin bek direccion La Cabana Hotel, pasa dilanti Amsterdam Manor y sigui te na Divi Phoenix Hotel. Djaki ta bolbe haci un u-turn y bin bek direccion La Quinta. Distancia ta Elite A: 8 buelta (40 Km) Elite B: 6 buelta (30 Km) Sub-Master: 4 buelta (20 Km) Master: 4 buelta (20 Km) Junior: 4 buelta (20 Km) Pre-Junior: 4 buelta (20 Km) Damas: 4 buelta (20 Km). 

RUTA PA CAREDA DI RUTA:

Diadomingo 19 oktober 2008 ta Careda di Ruta. Pa 7’or di mainta ta check-in y controla tur bais participando. E careda ta cuminsa pa 7:30 a.m.. E circuito ta Bloemond – Paradera cu 7.4 KM cada buelta, conoci como un ruta desafiante cu varios subida pa test condicion y poder di coredo. Liña di salida y final ta na Babijn, na altura di Bambu Bar & Restaurant. For di e salida na Babijn ciclistanan ta sigui den Rooi Prikichi y na Matividiri bira na man drechi direccion Ayo. Na crusada ta bira na man drechi bay den direccion Seroe Pita. Na e siguiente crusada ta bira na man drechi direccion Tamarijn. Pasa den Bloemond (dilanti di Radio Kelkboom) bai direccion Paradera. Bira na prome drechi, direccion Jaburibari,y bira di biaha atrobe na man drechi direccion Babijn. Sigui e caminda te na Babijn pa completa e circuito. Distancia ta Elite A: 15 buelta (111 Km) Elite B: 10 buelta (74 Km), Sub-Master: 8 buelta (59.2 Km), Master: 8 buelta (59.2 Km), Junior: 10 buelta (74 Km), Pre-Junior: 8 buelta (59.2 Km) y Damas: 8 buelta (59.2 Km).  

REUNION TECNICO OBLIGATORIO y REGISTRACION:

Diaberna awor 17 di october lo tin e reunion tecnico obligatorio pa e campeonato nacional di Road Bike. E reunion tecnico aki ta di suma importancia pa asina e reglanan y informacionan adicional por wordo comparti. E ta obligatorio pa tur participante. E reunion ta tuma lugar na Edificio di APFA na Seroe Blanco pa 7’or di anochi. Na e ocasion aki tambe lo registra pa ambos careda y e coredonan lo ricibi nan number di AWB di biaha. Pa motibonan logistico nos lo NO tuma registracion e maintanan di careda. Registracion pues lo ta na e reunion diabierna unicamente. Si un ciclista no por atende e reunion tecnico obligatorio su mes, e tin e posibilidad pa autorisa otro persona registra p’e. Tuma nota tambe cu e coredo mester bin cu su number cu e haya diabierna, na e caredanan di diasabra y diadomingo. Si e no bin cu esaki, e ciclista lo no wordo permiti pa start e careda. Costo di registracion ta Afl. 10,-- pa miembro di AWB y Afl. 15,-- pa no-miembro.  

Tur regulacion y informacion adicional ta obtenibel riba e website oficial di AWB: arubacycling.net of por skibi na This e-mail address is being protected from spam bots, you need JavaScript enabled to view it  

Comments (0) >>

Show/Hide comments

Write comment

Show/Hide comment form

Name

Email

Comment

Add Comment