|
Telefon perdi durante actividad deportivo |
|
|
|
|
Tuesday, 21 October 2008 - 00:00 |
 Atendiendo e ceremonia di apertura di ASU Olimpiada den Centro
Deportivo Betico Croes diadomingo anochi, Secretaria General di Comité
Olímpico Arubano, Nicole Hoevertz, a perde su telefon. E telefon tabata
den su tas y después di a yega cas, contento y satisfecho cu e actividad
deportivo a bai asina bon, Nicole a ripara cu e telefon no tey mas.
Ta trata aki di un telefon modelo "Palm Treo 680",
cu tabata den su tas (!!) y cu probablemente a wordo saca for di e tas
pa un hende cu tabata na e actividad. No a sinti falta di nada otro
for di e tas. E tas tabata na tur momento den e area caminda e invitadonan
tabata sinta, pues riba e veld deportivo, NO riba tribune caminda e
publico tabata sinta. Ta bon pa remarka cu e modelo specifico di Palm
aki no ta wordo bendi na Aruba. E ta un telefon relativamente grandi,
cu un “touchscreen” na color. Click read more pa mas informacion.
Naturalmente esaki ta un experiencia hopi lamentable y sumamente tristo,
cu na un actividad di deporte, mey mey di hendenan conoci, algo asina
por sosode, pero den caso di e telefon aki ta trata ademas di un aparato
(en realidad un computer chikito) cu ta contene hopi, hopi dato importante
pa Nicole. Ta spera cu tur esnan cu tabata presente diadomingo anochi
na e actividad di ASU y cu por a mira algo, por yuda Nicole hanja su
telefon aki bek. Por yama na oficina di COA si tin cualquier información
(tel. 582-0031 / 582-0854, fax. 582-0801, email
This e-mail address is being protected from spam bots, you need JavaScript enabled to view it
).
Nicole lo ta inmensamente agradeci pa e ayudo.
| Comments () >> |
 |
 |
